Ezek 16:13 - ÎVUKU RÎA ÛVORO MWARO

¹³ Ûguo nîguo wagemetue na thaavu na sîlûva. Wekagîra nguo irîa mbaro na ciagemetue waro. Warîcaga irio cia mûtu ûrîa mûvinyu mûno, na ûûkî na maguta. Nîwatuîkire mûthaka makîria na ûgîtûgîra nginya ûgîtuîka mûthamaki mûndûmûka.

Ezek 16:13 ပူးပေါင်းရင်းမြစ်များ

Kîam 17:6

Nîngaakûva njiarwa nyîngî, na amwe a njiarwa icio nîmagaatuîka athamaki.

2Sam 8:15

Daudi nîwathanire Isiraeli kuonthe na agatwithanagia maciira kûrî andû ake onthe na kîvooto.

1Atha 4:21

Solomoni aarî mûnene wa mavûrûri monthe kuuma rûnjîrî rwa Farati nginya vûrûri wa Afilisiti gûcoka kûthiî mûvakarî wa Misiri. Andû a kuo nîmaarîvaga gooti kûrî Solomoni na nîmaamûtungatîre ûtûûrorî wake wonthe.

Ezira 4:20

Jerusalemu kwîthîrîtwe kûrî na athamaki marî vinya na makîatha vûrûri wonthe ûrîa ûrî mûringo wa Rûnjî rwa Farati na mwena wa îthûîro. Nî maaûnganagia gooti cia mîthemba yonthe.

Ezira 5:11

“Nao nîmaatûcokerie atîrî, ‘Tue tûrî ndungata cia Ngai wa îgûrû na nthî. Tûratuma rîngî hekarû îrîa yatumîtwe mbere na îkarîkua, mîaka mîngî mîthiru nî mûthamaki warî na vinya mûno wa Isiraeli.

Ayubu 29:6

Vîndî îo mbûri na ng'ombe ciakwa ciarî na îriia rîngî mûno, maguta kuuma mîtîrî yakwa ya mîtamaiyû maanyûrûrûkaga ta rûnjî.

Thaburi 147:14

Nîagitagîra mîvaka yenyu, nîakûvecaga ngano îrîa mbaro.

Thaburi 48:2

Zayuni, kîrîma Kîam Ngai, nî kîraca na nî kîthaka; îtûûra rîa mûthamaki mûnene nîrîkenagia andû onthe a nthî.

Thaburi 50:2

Ngai nîarakenga arî Zayuni, îtûûra rîrîa rîthaka mûno.

Thaburi 81:16

Nwatî mue nîngîamûvere irio mbaro cia ngano, na nîngîamûvaithirie na ûûkî kuuma kîthakarî.”

Isaia 64:11

Nyomba yetû îrîa ntheru na nthaka, kûrîa methe metû maagûkumagîria, nîîvîvîtue na mwaki îkavîa viû. Nakuo kûndû gwetû kuonthe kûrîa kwarî kûthaka gûtigîtwe kwanangîkîte.

Jeremia 13:20

Jerusalemu taroria wone andû arîa maumîte mwena wa rûgûrû, irîkû ndîthia îrîa waveerwe ûrîthagie, ndîthia îrîa wetîaga nayo îrî kû?

Maca 2:15

Andû arîa onthe mavîtûkaga na njîra nîmamûvûragîra mvî. Nîmainainagia ciongo na makatheka nîûndû wa kwomomorwa kwa Jerusalemu. Rîrî nîrîo îtûûra rîrîa maaugaga nîrîthaka na rîakenagia nthî yonthe?

Ezek 16:10

Nînagwîkîrire nguo îno ng'emie, ngîgwîkîra iratû magûrû cia rûûo rûrîa rwaro mûno ngîkwova gîtambaa Kîamro gîa kîongo na ngîgwîkîra nguo mbaro.

Ezek 16:17

Wana nîwocire mathaga mamwe marîa nakûveere ma thaavu na sîlûva ûkîthondeka mîvuanano ya andû arûme na ûkîvûra ûmaraa nayo.

Ezek 16:19

Irio ciakwa irîa Nie nakûveere, cia mûtu ûrîa mûvinyu, maguta ma ndamaiyû na ûûkî, warutire mîvuanano îo irî îgongoona rîa mûtararûko ûrîa ûnungaga waro nîguo ûmîkenie.” Ûguo nîguo Ngai-Mûnene arauga.

Ezek 23:40

“Erîtu aya nîmaatûmaga anjaama mathiî magete andû kuuma kûraca, na nîmaaûkire. Nîûndû wao erîtu aya nîmeethambagia, makevaka rangi metho na makegemia na mathaga.

Ezek 27:16

Andû a Sîria nîmaarutithanirie wîra nawe wa kwendia na kûgûra indo nîûndû warî na indo nyîngî. Nîmaakûvere indo ta mathiga ma goro, itambaa cia rangi wa njambarawe, itambaa ino ng'emie na nguo mbaro nîguo nawe ûmave indo ciaku.

Hosea 2:5

Ng'ina watuo nîmûvûru ûmaraa, ûrîa wamagîre nda nîmwîku ciîko cia ûûra nthoni. Nîwaugire atî; “Nîngarûmîrîra anyanya akwa, arîa mamvecaga irio na manjî nguo ya guoya na ya goro, maguta na ndivei.”

Gûco 8:8

vûrûri ûrî ngano, cairi, thavibu, mîkûyû ngûngûmanga, mîtamaiyû, na ûûkî.

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 12:12

Nwatî mue rîrîa mwonire mûthamaki wa Aamoni, ûrîa wîtagwa Nahashu aûkîte kûmûthûngîrîra, mue nîmwaregire Ngai-Mûnene, Ngai wenyu ûrîa warî mûthamaki wenyu na mûkîmbîîra atî, mue mûrenda mûthamaki wa kûmûtongoragia.