Ezek 15:7 - ÎVUKU RÎA ÛVORO MWARO

⁷ na nîngaamaverithia. Nîmakaaûra maume kûrî mwaki, nwatî makaavîvua nî mwaki, na nîmûgaacoka mûmenye atî nie nînie Ngai-Mûnene.

Ezek 15:7 ပူးပေါင်းရင်းမြစ်များ

1Atha 19:17

Mûndû ûrîa ûkaavonoka kûûragwa nî Hazaeli nîakaaûragwa nî Jehu, na mûndû ûrîa ûkaavonoka kûûragwa nî Jehu nîakaaûragwa nî Elisha.

Thaburi 34:16

Nwatî nîareganaga na andû arîa mekaga maûndû macûku, na makua nîatûmaga mariganîre gûkû nthî.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Isaia 24:18

Mûndû ûrîa ûkaaûra nî înegene, akaagwa îrimarî rîu; nake ûrîa ûkaauma îrimarî, akaagwatwa nî mûtego. Nîûndû ndirica cia îgûrû nî mvingûre, nayo mîcingi ya nthî nîîrainaina.

Jeremia 21:10

Nînduîte meciriarî makwa kûthiria îtûûra rîîrî na kûrîcûkangia. Nîrîkanenganîrwa kûrî mûthamaki wa Babuloni, nake nîakaarîvîvia na mwaki.”

Ezek 11:10

Ngaamûtuîrîra kûragwa na mûragwe mûrî mûvakarî wa Isiraeli, na nîmûkaamenya atî nînie Ngai-Mûnene.

Ezek 14:8

Nîngaaregana nake na ndûme atuîke ûndû wa kwaragua na atuîke rûûri kûrî andû. Nîngaacoka nîmûrute gatagatî ka andû akwa; namue nîmûkaamenya atî, nie nînie Ngai-Mûnene.

Ezek 15:6

Kwoguo, Ngai-Mûnene arauga atîrî, “Wata ûrîa mûtî wa mûthavibu wocagwa kîthakarî na ûgaikua riiko nîguo mwaki wakane, nwaguo ngooca andû arîa matûûraga Jerusalemu,

Ezek 19:12

Nwatî mûtî ûcio wa mûthavibu nîwakûûrirwe na marakara, ûgikua ûkîgwîthua nthî. Rûkûngi rûrîa rumaga na mwena wa îrathîro, nîrwaûmirie mûtî ûcio viû, na matunda ma guo nîmeetîkire na makîvova. Itina irîa ciarî na vinya nîciavovire, ikîvîvua na mwaki ikîthira.

Ezek 20:38

Andû arîa aremi na arîa mevagia nîngaamaruta gatagatî kenyu. Nîngaamaruta kuuma vûrûrirî ûrîa matûûraga, nwatî ndigetîkîra matonya vûrûrirî wa andû a Isiraeli. Nîmûgaacoka mûmenye atî nie nînie Ngai-Mûnene.

Ezek 20:42

Rîrîa ngaamûcokia vûrûrirî wa Isiraeli, vûrûri ûrîa nerîrîre methe menyu na mwîvîtwa atî nîngaamava, nîmûkaamenya atî nie nînie Ngai-Mûnene.

Ezek 20:44

Mue andû a Isiraeli nîmûkaamenya atî nie Ngai-Mûnene nînie mbîkîte maûndû mau monthe nîûndû wa rîîtwa rîakwa nie mwene. Ndikethîrwa nîmwîkîte kûringana na ûrîa mwagîrîrwe nîgwîkwa nîûndû wa wîvia wenyu, wana kana kûringana na maûndû menyu marîa macûku.” Ûguo nîguo Ngai-Mûnene augîte.

Ezek 33:29

Rîrîa ngaatûma vûrûri ûtuîke werû nîûndû wa maûndû marîa marî mûgiro meekire, nîmakaamenya atî nie nînie Ngai-Mûnene.”

Ezek 5:8

Kwoguo, nie Ngai-Mûnene wana nie nîngûregana namue na nîngaamûtuîra ciira ndûrîrî ikîonaga.

Ezek 6:7

Andû makaaûragîrwa wa kûu mûrî na nîmûkaamenya atî nînie Ngai-Mûnene.

Ezek 7:4

Ndikamûcaîra na ndikamwîguîra ntha, nwatî nîngamûverithia kûringana na mîtugo yenyu. Nîngamûverithia nîûndû wa maûndû marîa marî magigi mwîkîte, na nîmûkaamenya atî nie nînie Ngai-Mûnene.”

Alawi 17:10

“Mûisiraeli wa wonthe kana mûgeni wa wonthe ûtûûranagia nao angîrîa nyamû îrî na nthakame, Ngai-Mûnene nîakaamûverithia na amwamûranie na andû ake.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Amosi 5:19

Nîta mûndû akîûra nî mûnyambû agacoka agatûngwa nî ngatûnyi, kana atonyete nyomba na agetira rûthingorî na njara îkarûmwa nî njoka.