Ezek 15:4 - ÎVUKU RÎA ÛVORO MWARO

⁴ Vandû va ûguo, nîwikagua mwakirî nîguo mwaki wakane mûno. Rûngîvîa mîena yonthe rûkîrûngûra, nwa ûthondeke kîndû kuumana naguo?

Ezek 15:4 ပူးပေါင်းရင်းမြစ်များ

Thaburi 80:16

Nthû itemete mûthavibu ûcio na ikaûvîvia, marorie ûrî na marakara na ûmathirie.

Isaia 1:31

Andû arîa marî vinya magekara ta ndagara, na wîra wake wîkare ta nthande cia mwaki, na onthe nîmakavîvua na gûtirî mûndû ûkaamavonokia.

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Ezek 15:3

Nwa ûrûvûthîre kûthondeka kîndû? Andû nwa mathondeke gîkingi Kîamguo nîguo mavote kwoverera kîndû vo?

Ezek 15:5

Rîrîa ûtaarî mûvîu ndwarî na vata, na rîu ûvîte na ûkarûngûra ndûrî na vata wanarî vanini.”

Ezek 15:6

Kwoguo, Ngai-Mûnene arauga atîrî, “Wata ûrîa mûtî wa mûthavibu wocagwa kîthakarî na ûgaikua riiko nîguo mwaki wakane, nwaguo ngooca andû arîa matûûraga Jerusalemu,

Ezek 19:14

Mwaki umîte gîtinarî Kîam mûthavibu, ûkathiî ûkavîvia mvûa ciaguo na matunda ma guo, nîguo gûtikethîrwe kûrî na gîtina kîrî na vinya, na gûtarî na mûragi wa wathani. Rûrû nî rwîmbo rwa macakaya, na rûvûthagîrwa rûrî rwa macakaya.

Amosi 4:11

Nînacûkangirie amwe enyu wata ûrîa nacûkangirie Sodomu na Gomora. Arîa mwatigarire mwekariî ta gîcinga Kîam mwaki kîtharîtwe kuuma mwakirî. Kûnarî ûguo mûtianjokerera.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Johana 15:6

Mûndû wa wonthe ûtekaraga ndaarî yakwa nîatecagwa wata ûrîa rûvûa rûtecagwa rûgacoka rûkaûma. Mvûa ta icio nîciocanagua na igaikua mwakirî na ikavîa.

Ahib 12:29

nîûndû Ngai wetû nî mwaki ûrîa ûvîvagia ûkathiria.

Ahib 6:8

Nwatî mûgûnda ûcio ûngîmera mîgua na ria, nî wa mana na wavota kûrumwa nî Ngai na ûkavîvua na mwaki.