Ezek 14:9 - ÎVUKU RÎA ÛVORO MWARO

⁹ “Mûrathi angîkaveenua na arie ûndû, nie Ngai-Mûnene nînie ngethîrwa nîmûveenetie. Nîngaakûnjûra njara yakwa nîmûrute kûrî andû akwa a Isiraeli.

Ezek 14:9 ပူးပေါင်းရင်းမြစ်များ

2Maû 18:22

Mikaia nîwarîkîrie na kuga atîrî, “Ngai-Mûnene nîke wîkîrîte roho wa maveeni tûnyuarî twa arathi acio aku. Nwatî Ngai-Mûnene nîwarîtie maûndû macûku makwîgiî!”

Ayubu 12:16

Ke ethagîrwa arî na vinya na ûûgî, arîa maveenagua na arîa maveenanagia onthe nî ake.

Isaia 10:4

Gûtirî ûndû mûgeka tiga kwînyitania na andû arîa ove, kana mûgwe kûrî arîa aûrage. Kûnarî ûguo, marakara ma Ngai-Mûnene tîmathiru, na nîatambarûkîtie njara yake averithanie.

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Isaia 66:4

Kwoguo nîngûmaretithîria mathîna; na nîmaretere indo irîa metigîrîte, nîûndû rîrîa netanire gûtirî mûndû wetîkire; rîrîa naririe matiathikîrîria. Nwatî meekire maûndû macûku ngîonaga, na makîthuura maûndû marîa mataangenagia.”

Isaia 9:12

Andû a Sîria marî mwena wa îrathîro, na andû a Filisiti marî mwena wa îthûîro, mathamîtie tûnyua twao nîguo mamerie Isiraeli. Kûnarî ûguo, marakara ma Ngai-Mûnene tî mathiru; na nîatambarûkîtie njara yake nîguo îverithanie.

Isaia 9:17

Kwoguo Mwathani ndakenagua nî anake aya, ndarî na ntha na ciana ciao cia ndigwa na aka ao a ndigwa, nîûndû andû onthe matiîcî Ngai, na nîeki naaî na maragia maûndû ma waganu. Nîûndû wa maûndû mau monthe, marakara make tî mathiru, nwatî nwa atambarûkîtie njara yake nîguo îverithanie.

Isaia 9:21

Manase na Efiraimu matharîkanagîra o ene, nao oîrî marî vamwe matharîkagîra Juda. Nîûndû wa maûndû mau monthe marakara ma Ngai-Mûnene tî mathiru, nwa atambûrûkîtie njara yake nîguo îverithanie.

Jeremia 14:15

Kwoguo, nie Ngai-Mûnene nîngûmwîra ûrîa ngwîka arathi aya. Nie ndiamatûma, nwatî methîrîtwe makîaria maûndû mambîgiî, makiugaga atî mbaara, na yûra itingîtharîkîra vûrûri ûyû: nîngaathiria arathi aya na njîra ya mbaara na yûra.

Jeremia 4:10

Nînacokire ngiuga atîrî, “We Ngai-Mûnene, nama nîûveenetie andû a Jerusalemu viû na ûkaamera atî maûndû mao nîmakwîthîrwa marî maro, nwatî vîndî îo nîrîo marî ûgwatirî mûnene.”

Jeremia 6:14

Mavonagia ironda cia andû akwa îgûrû, makiugaga atî: ‘Kûrî na thayû, kûrî na thayû,’ wa rîrîa gûtarî thayû.

Jeremia 6:15

O nîmaaconokire rîrîa mekire maûndû marîa marî magigi? Narî matiaconoka wanarî vanini, na mationa ûndû ûngîtûma megua nthoni. Kwoguo makaagwa ta ûrîa arîa engî magûcaga, vîndî îrîa ngamaverithia, ûcio ûkethîrwa ûrî mûthiia wao. Ûguo nîguo nie Ngai-Mûnene nauga.”

Ezek 13:9

Nîngaaverithia arathi arîa monaga cioneki itarî cia ma na marathaga maûndû ma maveeni. Matikethîrwa marî a gîkundi Kîam andû akwa vîndî îrîa makagomana gûtua ciira, kana mûtaranîrue na andû a Isiraeli. Matigaatonya vûrûrirî wa Isiraeli, na nîmakaamenya atî, nie nînie Ngai-Mûnene.

Ezek 14:10

Mûrathi ûcio wa vamwe na mûndû ûcio ûrathiîte kûria ûtaaro kûrî mûrathi, onthe ngaamaverithia ûndû ûmwe.

Ezek 14:5

Ngeka ûguo nîguo nîîgwatîre ngoro cia andû a nyomba ya Isiraeli nîûndû onthe nîmaandiganîrie makîthiî kûgooca mîvuanano îo yao.

Ezek 16:27

“Kwoguo nînaûkîrîrie njara yakwa nîguo ngûverithie. Nînaanyivirie îgai rîaku na ngîkûrekereria kûrî nthû ciaku, erîtu a Afilisiti arîa maaconokire mûno nîûndû wa ciîko ciaku cia ûûra nthoni.

Ezek 20:25

“Nînaamaretithîrie irîra cia mawatho mataarî maro ma kûrûmîrîrwa na matuîro ma ciira matangîatûmire mûndû atûûra mwoyo.

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Zakaria 13:3

Kûngîkaaumîra rîngî mûndû ûkaaratha maûndû, îthe na ng'ina arîa maamûciarire nîmakaamwîra atî, ‘We nîûgûkua nîûndû nîwarîtie maveeni rîîtwarî rîa Ngai-Mûnene.’ Angîkaaratha maûndû, îthe na ng'ina nîmakaamûmunda na kaviû mamûrage.