Ezek 14:22 - ÎVUKU RÎA ÛVORO MWARO

²² Kûnarî ûguo, kûrî na andû makaavonoka na mavonokie erîtu na anake ao. Andû acio mangîgaaûka kûrî we, ûkaamaroria nîguo wone mîtugo na mîthiîre yao mîcûku; mîtugo îo nîîkamwonia atî îverithia rîrîa ngaverithia Jerusalemu nîrîagîrîru.

Ezek 14:22 ပူးပေါင်းရင်းမြစ်များ

2Maû 36:20

Andû a Juda arîa maatigarire nîmaavirirwe îthamîriorî Babuloni na magîtuîka ndungata cia mûthamaki wa Babuloni na njiarwa ciake. Nîmaatûûrire kûu marî ngombo nginya rîrîa kwagîîre na ûthamaki wa Perisia.

Isaia 24:13

Ûguo nîguo gûgekara mavûrûrirî monthe ma nthî, wata ûrîa mûtamaiyû wîkaraga maketha mathira, gûtigaraga ndamaiyû nini cia mûthiia, nwaguo gûgaatigara andû anini marî mwoyo.

Isaia 6:13

Wana gwatigara andû gîcunjî kîmwe îgûrû rîa îkûmi vûrûrirî, wanao nîmakaavîvua. Acio makethîrwa mekariî ta kîthukî Kîam mûvuru, kîrîa gîtigagwa kîrûngamîte rîrîa mûvuru watemwa.” (Kîthukî kîu nî mbegû ntheru ya Kîammbîrîria gîcerû.)

Jeremia 30:11

Nîûndû nîngaûka nîmûvonokie, na njûkangie mavûrûri monthe viû, kûrîa namûnyaganirie, nwatî mue ndikamûcûkangia. Mue ndikamûrakereria ndamûverithîtie, ngamûverithia na njîra ya kîvooto. Nie Ngai-Mûnene nînie nauga Ûguo.”

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 5:19

Nao andû enyu mangîkaûria gîtûmi Kîam mbîke maûndû mama monthe, we Jeremia ûkaamera atî, ‘wata ûrîa mwareganire nanie na mûkîgooca ngai ng'eni irîa ciarî vûrûrirî wenyu, nwata guo mûgatungatîra ageni mûrî vûrûrirî ûrîa ûtarî wenyu.’ ”

Ezek 12:16

Nwatî nîngaatûma andû anini mavonoke kuuma mbaararî, kuuma kûrî yûra, na kuuma kûrî mîrimû. Nao nîmakeraga andû a mavûrûri kûrîa makeethîrwa marî, maûndû macûku marîa maneka na nîmakaamenya atî nie nînie Ngai-Mûnene.”

Ezek 16:54

nîguo ûgaaconoka nî maûndû marîa we mwene wekire na ûcambe nîûndû nîwathiîre kûmaûmîrîria.

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Ezek 20:43

Mûrî kûu nîmûkaaririkana mîthiîre îrîa mwarî nayo na maûndû monthe macûku marîa mwekire na mamûgwatirie mûgiro. Nîmûkethûûra nîûndû wa maûndû mau monthe macûku mwekire.

Ezek 31:16

Rîrîa ngaaikia mûtî ûcio kwa arîa akuû, mûrurumo waguo ûkîgwa vamwe na arîa makaathiî îrimarî rîrîa rîtarî mûthiia, nîûgaatûma mavûrûri mainaine. Mîtî yonthe ya Edeni, na mîtî îrîa mîaro mûno na îtagîrîrua manjî ya mûtitû wa Lebanoni nîgaakena nîûndû wa kûgwa kwa mûtî ûcio wa mûtarakwe.

Ezek 32:31

“Rîrîa mûthamaki wa Misiri vamwe na athigari ake a mbaara makoona andû arîa aûrage, nîmakeyûmîrîria. Ûguo nîguo Ngai-Mûnene Ngai augîte.”

Ezek 36:20

Nwatî mathiî kûrî andû a ndûrîrî, wa kûrîa kuonthe maathiîcaga nîmaagwatagia rîîtwa rîakwa rîtheru gîko. Nao andû nîmaaragia ûvoro ûmegiî na makauga atî, ‘Aya nî andû a Ngai-Mûnene, nwatî kûnarî ûguo nîmaaumire vûrûrirî wake.’

Ezek 36:31

Nîûgaacoka kûririkana mîthiîre yaku mîcûku na mîtugo yaku îrîa îtaarî mîaro, na nîûkaaîmena nîûndû wa mevia maku na maûndû macûku marîa wekire.

Ezek 7:16

Andû arîa makaavonoka nîmakaaûra na mathiî magekarage irîmarî, magîcayaga ta ndutuura cia ciandarî, wa mûndû nîûndû wa mevia make.

Mika 5:7

Nao andû a Isiraeli arîa magaatigara marî mwoyo makethîrwa mekariî ta îme kuuma kûrî Ngai-Mûnene marî gatagatî ka andû arîa engî kana ta mbura ya rûthuthuû rûrîa rûgwîcagîra nyaki, na ndiurithagua nî mûndû nwatî nî Ngai.

Maariko 13:20

Nwatî Mwathani nîanyivanyivîtie mîthenya ya mathîna mau, nîûndû wa andû ake arîa ethuurîrîte. Tiga nî ûguo gûtirî mûndû ûngîgaatigara.

Gûco 4:31

Ngai-Mûnene, Ngai wenyu arî ntha. Ndakaamûtiganîria kana amûcûkangia na ndakaariganîrwa nî kîrîkanîro kîrîa ke mwene aarûthire na methe menyu na akîmerîra na mwîvîtwa.