Ezek 14:20 - ÎVUKU RÎA ÛVORO MWARO

²⁰ wana ethîrwa Noa, Danieli na Ayubu marî kuo, matingîvonokia erîtu kana anake ao. Nwatî nîûndû wa ûthingu wao, o nwa mavonoke.”

Ezek 14:20 ပူးပေါင်းရင်းမြစ်များ

Ayubu 1:1

Kwarî na mûndû wetagwa Ayubu, wa kuuma vûrûrirî wa Uzi. Ayubu aarî mûndû mwaro na mwîvokeku. Aarî mûndû wetigîrete Ngai na wareganîte na maûndû macûku.

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Ezek 14:14

Kethîrwa arûme acio athatû, Nuhu, Danieli na Ayubu matûûraga vûrûri ûcio, mîoyo yao nwayo îngîkaavonokua nîûndû wa ûthingu wao.” Ûguo nîguo Ngai-Mûnene augîte.

Ezek 14:16

Arûme acio athatû mangîthîrwa matûûraga vûrûrirî ûcio, nie Ngai-Mûnene nevîta nauga matingîvonokia ciana ciao cia erîtu na cia anake, nwatî o nwa mavonoke na vûrûri ûtigwe ûrî werû.

Ezek 14:19

“Narîo nîngîtûma mûrimû mûcûku kûu vûrûrirî nîrî na marakara, nîngatûma andû na nyamû ikue,

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Ezek 18:20

Roho ûrîa ûvîtagia nîguo ûgaakua. Mwana ndakaaverithua nîûndû wa mavîtia ma îthe na îthe ndakaaverithua nîûndû wa mavîtia ma mwana. Mûndû ûrîa mûthingu nîûgaacokererwa nî ûthingu wake ke mwene, na mûndû ûrîa mwaganu nî agacokererwa nî waganu wake ke mwene.

Ezek 18:22

Gûtirî ûndû wana ûmwe mûcûku ûrîa eekire ûkaaririkanwa. Nîûndû wa maûndû ma ûthingu marîa ekîte nîmagaatûma atûûre mwoyo.

Ezek 3:19

Nwatî ûngîkaania mûndû mwaganu na arege gûtiga waganu wake na mîthiîre yake mîcûku, mûndû ûcio mwaganu nîagaakua nîûndû wa waganu wake, nwatî we nîûkaavonokia mwoyo waku.

Danieli 1:6

Gatagatîrî ka anake onthe arîa maathuurirwe kwarî na Danieli, Hanania, Mishaeli na Azaria kuuma mûvîrîgarî wa Juda.

Hosea 10:12

Îvandîreni ûthingu, namue nîmûgaaketha wendo; Rîmani mîgûnda îrîa yatigirwe, nîûndû kavinda ga kûnjaria nie Ngai mûnene nîgakinyu, nanie nîngaamurîria kîrathimo ta mbura.

Zefania 2:3

Cokererani Ngai-Mûnene mue muonthe arîa avoreri, mue arîa mwîkaga ûrîa kwagîrîrîte, cariani ûthingu cariani wînyivia. Kwavoteka ûkethîrwa ûtarî vamwe na andû arîa makaverithua, mûthenya ûrîa Ngai-Mûnene akonania marakara make.

Ciîko 10:35

Andû arîa magoocaga Ngai na mekaga ûrîa kwagîrîrîte, nîmetîkagîrwa nîke wana ethîrwa nî a rûrîrî rûrîkû.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

1Joh 2:29

Ethîrwa nîmwîcî atî Kristû nî mûthingu, nîmwagîrîrwe nî kûmenya atî mûndû wonthe wîkaga maûndû ma ûthingu nî mwana wa Ngai.

1Joh 3:10

Îno nîyo ngûrani îrîa îthagîrwa îrî vo gatagatîrî ga ciana cia Ngai na ciana cia Ngoma. Mûndû wa wonthe ûtekaga ûrîa kwagîrîrîte, tî mwana wa Ngai na andû arîa matendete andû arîa engî tî ciana cia Ngai.

1Joh 3:7

Ciana ciakwa mûtikanetîkîre kûevenua nî mûndû wana ûrîkû. Mûndû wa wonthe wîkaga maûndû ma ûthingu nî mûthingu wata ûrîa Kristû arî mûthingu.