Ezek 14:18 - ÎVUKU RÎA ÛVORO MWARO

¹⁸ Andû acio athatû; Noa, Danieli na Ayubu mangîthîrwa marî vûrûrirî ûcio, nie Ngai-Mûnene nevîta nauga, matingîvonokia ciana ciao cia anake na erîtu. Mangîvonokia mîoyo yao tu.

Ezek 14:18 ပူးပေါင်းရင်းမြစ်များ

Jeremia 27:18

Ethîrwa o nî arathi na marî na ndûmîrîri ya Ngai-Mûnene, nî makaîre Ngai-Mûnene mwene vinya wonthe nîguo indo irîa ciatigarire hekarûrî ya Ngai-Mûnene na nyombarî ya mûthamaki wa Juda na Jerusalemu itikavirwe Babuloni.”

Ezek 12:15

“Rîrîa ngaamanyagania ndûrîrîrî ciîngî na mavûrûrirî ma kûraca, nîmakaamenya atî nie nînie Ngai-Mûnene.

Ezek 14:14

Kethîrwa arûme acio athatû, Nuhu, Danieli na Ayubu matûûraga vûrûri ûcio, mîoyo yao nwayo îngîkaavonokua nîûndû wa ûthingu wao.” Ûguo nîguo Ngai-Mûnene augîte.

Ezek 14:16

Arûme acio athatû mangîthîrwa matûûraga vûrûrirî ûcio, nie Ngai-Mûnene nevîta nauga matingîvonokia ciana ciao cia erîtu na cia anake, nwatî o nwa mavonoke na vûrûri ûtigwe ûrî werû.

Ezek 14:17

“Nwa ndûme kûgîe mbaara vûrûrirî, na kûgîe indo njûku cia mbaara ithirie andû wana nyamû cia kîthaka.

Ezek 14:19

“Narîo nîngîtûma mûrimû mûcûku kûu vûrûrirî nîrî na marakara, nîngatûma andû na nyamû ikue,