Ezek 14:13 - ÎVUKU RÎA ÛVORO MWARO

¹³ “Mûndû, vûrûri wa wonthe ûngîvia nîûndû wa kûrega gûtuîka evokeku kûrî nie, nîngaaûverithia. Nîngaacûkangia makûmbî mao ma irio na ndûme kûgîe na yûra. Nîngaatûma andû a vûrûri ûcio makue, wana nyamû ciakuo.

Ezek 14:13 ပူးပေါင်းရင်းမြစ်များ

Kîam 6:7

akiuga atîrî, “Nie nîngûthiria andû aya naûmbire viû, vamwe na nyamû wana iconi, nîûndû nînîrirîte nî kîrîa gîatûmire nîmaûmba.”

Ezira 9:6

Na ngîvoya ngiugaga atîrî, “Ngai wakwa, nîregua ngîconoka mûno ngîûkîrîria ûthiû wakwa mbere yaku. Mevia metû maûmbanîrîrîte na îgûrû makavîtûka ciongo cietû, nîmathiîte magakinya îgûrû.

Isaia 24:20

Nthî îratûgûgana ta mûrîu wa njovi, îrainaina ta îgema. Mevia mayo nîmamîritûvîrîte mûno; îkagwa na ndîkaarûngama rîngî.

Isaia 3:1

Rîu Mwathani Ngai-Mûnene mwene vinya wonthe, nîakûthengutîria Jerusalemu na Juda mwîvoko wao, mwîvoko wao wa irio na wa manjî.

Jeremia 32:43

Andû nîmakaagûra mîgûnda vûrûrirî ûyû ûrîa mûrauga atî nî werû na gûtirî mûndû kana nyamû; na atî nîwavecanirwe njararî cia Akalidei.

Jeremia 36:29

Nake Ngai-Mûnene nîwambîrire mbîre mûthamaki atîrî, ‘We nîûravîvirie îvuku rîa gîkûnjo ûkîûragia atî: Nîndûî gîtûmîte wandîke atî mûthamaki wa Babuloni nîagaaûka na acûkangie vûrûri ûyû, na aûrage andû na nyamû irîa irî kuo?’

Jeremia 52:6

Na mûthenya wa kenda wa mweri wa kana, yûra nîrîacacire mûno îtûûrarî rîu, atî gûtiarî kîndû andû akuo mangîarîre.

Jeremia 7:20

Kwoguo nie Mwathani Ngai nîrauga atî: rîu nîngwîtûrûra marakara makwa manene gûkû na makinyîre andû na nyamû cia kîthaka mîtî na mîmera yonthe ya nthî. Marakara makwa magaakana ta mwaki ûtangîvoreka.”

Maca 1:20

“Ngai-Mûnene ta roria wone gûkaa gwakwa, mwoyo wakwa ndûrî na vinya. Ngoro yakwa nî munîkangu nîûndû mbîthîrîtwe nîrî mûremi. Njîrarî kûrî na mbûragano, nyomba nakuo nîta gîkuû.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Ezek 14:12

Ngai-Mûnene nîwambîrire atîrî,

Ezek 14:17

“Nwa ndûme kûgîe mbaara vûrûrirî, na kûgîe indo njûku cia mbaara ithirie andû wana nyamû cia kîthaka.

Ezek 14:19

“Narîo nîngîtûma mûrimû mûcûku kûu vûrûrirî nîrî na marakara, nîngatûma andû na nyamû ikue,

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Ezek 15:8

Nîngaatûma vûrûri wao ûtuîke werû ûtangîkûra kîndû, nîûndû nîmaregete kwathîka.” Ûguo nîguo Ngai-Mûnene augîte.

Ezek 20:27

“Kwoguo, we mûndû, arîria andû a Isiraeli. Meere Ngai-Mûnene augîte atî, methe mao ma tene nîmaagwatirie rîîtwa rîakwa gîko nîûndû nîmaaregire gûtuîka evokeku kûrî nie.

Ezek 25:13

kwoguo nie Ngai-Mûnene Ngai mbugîte atî nîngaatambûrûkia njara yakwa îgûrû rîa vûrûri wa Edomu na mbûrage andû onthe na nyamû cionthe. Nîngaatûma wanangîke kuuma îtûûrarî rîa Temani nginya îtûûrarî rîa Dedani. Andû onthe nîmakaaûragîrwa mbaararî.

Ezek 4:16

Nîwacokire rîngî akîmbîra atîrî, “We mûndû, nama nîngûthiria irio cionthe îtûûrarî rîa Jerusalemu. Andû makaarîcaga irio cia kûthimwa na marî na guoya na manyunyage manjî ma kûthimwa magîîtigagîra.

Ezek 5:16

Vîndî îo nîngarekereria mîguî yakwa ya kûragana ya yûra îmûrathe îmûthirie. Nîngatûma yûra rîongerereke na irio cienyu ithire.

Ezek 6:14

Nîngaakûnjûra njara yakwa nîguo njûkangie vûrûri wao kûrîa matûûraga ûtuîke îganjo, kuuma werûrî nginya îtûûrarî rîa Ribula rîrîa rîrî mwena wa rûgûrû. Nao nîmagaacoka mamenye atî nie nînie Ngai-Mûnene.”

Ezek 9:9

Nake nîwanjokerie atîrî, “Mavîtia marîa mekîtwe nî nyomba ya Isiraeli na Juda nî meengî mûno. Vûrûri wîcûrîtwe nî ûragani, na îtûûrarî nakuo gûtirî maûndû marekwa na njîra ya kîvooto. Maugaga atî, nie Ngai-Mûnene nîndiganîrîtie vûrûri wao na atî ndimonaga.

Danieli 9:5

Tue nî twîvîtie, nîtwîkîte maûndû macûku, na tûgeka naaî. Nîtûreganîte nawe na tûkaregana na maathani maku na irîra ciaku.

Alawi 26:26

Nîngaatûma mûgîe na yûra rînene, na aka îkûmi makaarugagîra rikorî rîmwe. Nîmakagaanaga wa mûndû kîthimo gîake, na wana maarîa matikavaa.