Ezek 13:6 - ÎVUKU RÎA ÛVORO MWARO

⁶ Cioneki ciao nî cia mana na maûndû marîa marathaga nî ma maveeni. Maugaga nî maria vandûrî vakwa, nwatî nie ndimatûmîte, na atî nîmerîgagîrîra nîmavingîrie maûndû mau.

Ezek 13:6 ပူးပေါင်းရင်းမြစ်များ

1Atha 22:12

Nao arathi acio engî nîmaarathire wa ûguo na makiuga atîrî, “Thiî ûkatharîkîre îtûûra rîa Ramothi-gileadii na nîûkûvootana; Ngai-Mûnene nîagûkûvotithia kûmavoota.”

1Atha 22:15

Rîrîa Mikaia aakinyire kûrî mûthamaki Ahabu, Mûthamaki nîwamûririe atîrî, “Mikaia, nie na mûthamaki Jehoshafati tûthiî mbaararî kûu Ramothi-gileadi kana twîkare?” Nake Mikaia nîwamûcokerie atîrî, “Thiî kuo na ûtharîkîre na nîûkûvootana! Ngai-Mûnene nîagûkûvotithia kûvootana.”

1Atha 22:27

Ûmere mamûvingîre njeera na mamûrûmagie tûirio tûnini na manjî, nginya rîrîa ngaacoka nîrî na thayû.”

1Atha 22:37

Rîrîa mûthamaki Ahabu aakwire, mwîrî wake nîwavirirwe Samaria na makîûthika kuo.

1Atha 22:6

Ahabu, mûthamaki wa Isiraeli nîwaûnganirie arathi ta magana mana (400) vamwe na akîmaûria atîrî, “Nthiî ngatharîkîre îtûûra rîa Ramothi-gileadi, kana mbîkare?” Nao nîmaamûcokerie atîrî, “Thiî ûkarîtharîkîre, Ngai-Mûnene nîagûkûvotithia kûvootana.”

Nthi 14:15

Mûndû kîrimû etîkagia maûndû monthe, nwatî mûndû mûûgî nîaroragia kûrîa athiîte.

Jeremia 14:14

Nake Ngai-Mûnene nîwanjokerie atîrî, “Arathi maratûmîra rîîtwa rîakwa kwaria maveeni; nie ndianamatûma kana nîmatha, wana kana mbaria nao. Maramûrathîra cioneki cia maveeni, woni ûtarî na vata na maûndû marîa mecirîtie o ene.

Jeremia 23:16

Ngai-Mûnene nîwerire andû a Jerusalemu atîrî, “Mûtikathikagîrîrie arathi arîa mamûrathagîra, makîmûvecaga ciîrîgîrîro itavingaga, maragia ûvoro wa cioneki cia gwîciirîria na tî maûndû marîa nîmerîte maarie.

Jeremia 28:1

Mwaka wa ûcio, mweri wa gatano mwaka wa kana Zedekia arî mûthamaki wa Juda, Hanania mûvîcî wa Azuri, mûrathi kuuma îtûûra rîa Gibeoni, nîwaririe nanie nîrî hekarûrî, na mbere ya athînjîri-Ngai na andû onthe na akiuga atîrî,

Jeremia 28:15

Nake mûrathi Jeremia nîwerire mûrathi Hanania atîrî, “Hanania, tathikîrîria! Ngai-Mûnene ndaagûtûma, na nîûtûmîte andû aya metîkie maûndû ma maveeni.

Jeremia 28:2

“Ngai-Mûnene Mwene Vinya Wonthe, Ngai wa Isiraeli arauga atî: Nîmunîte îcoki rîa mûthamaki wa Babulonia.

Jeremia 29:31

“Tûmîra andû onthe arîa marî îthamîriorî ndûmîrîri îno îgiî Shemaia wa Nehelamu: Nie Ngai-Mûnene nîrauga atî, Shemaia nîamûrathîrîte maûndû marîa nie ndamûtûmîte, na agîtûma mwîtîkia maûndû matarî ma ma.

Jeremia 29:8

Nîûndû Ngai-Mûnene mwene vinya wonthe, Ngai wa Isiraeli arauga atî mûtigetîkîre kûveenua nî arathi na aragûri arîa marî gatagatîrî kenyu na mûtikathikîrîrie iroto ciao.

Jeremia 37:19

Marî kû arathi arîa maarathire magîkwîra atî, ‘Mûthamaki wa Babulonia ndagaakûtharîkîra kana atharîkîre vûrûri ûyû?’

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Maca 2:14

Arathi enyu nîmoonete cioneki cia maveeni, nîmakunîkîrîte mavîtia maku nîguo mavote gûkûrûnga, nwatî cioneki ciao ciarî cia maveeni.

Ezek 13:7

Mûtirona cioneki icio cienyu tî cia ma, na ûrathi ûcio wenyu nîwa maveeni. Mugaga atî nî Ngai-Mûnene ugîte, nwatî nie ndiarîtie!”

Ezek 21:23

Nwatî andû a Jerusalemu nîmakoona woni ûcio ûrî wa maveeni nîûndû nîmaaîvîtire na kinyi. Kûnarî ûguo, nîûgaatûma maririkane mavîtia mao na ûtûme manyitwe.

Ezek 21:29

Cioneki irîa mwonaga nî cia mana, na mamûrathagîra maveeni matheri. Rûviû nîrûvarîrîrie nîguo rûteme andû arîa aganu. Kavinda kao ka mûthiia ga kûverithua nîgakinyu.

Ezek 22:28

Arathi ao nîmatenderetie ngoro ciao ta ûrîa mûndû avakaga rûthingo cokaa. Monaga cioneki cia maveeni, na makaratha maûndû ma maveeni makiugaga atî nî Ngai-Mûnene warîtie wa rîrîa atarîtie.

Zakaria 10:2

Andû matuîragia maûndû kûrî ngai cia mana, na aragûri makoona cioneki cia maveeni; iroto ciao ciîthagîrwa irî cia maveeni, na kûmanîrîria kwao nîkwa mana. Kwoguo andû maûrûraga ta ng'ondu; mavinyagîrîrua nîûndû matirî na mûrîthi.

Maariko 13:6

Nîûndû andû eengî nîmagaaûka makiugaga atî nîo Mesaya na nîmakaavîtithia andû eengî.

2Ath 2:11

Nîûndû wa ûguo Ngai nîatûmaga maveeneke nîguo metîkie maûndû ma maveeni.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.