Ezek 13:2 - ÎVUKU RÎA ÛVORO MWARO

² “Mûndû, rathîra arathi a Isiraeli na ûregane na ûrathi wao ûrîa marathaga kûringana na meciria mao. Meere mathikîrîrie kiugo Kîam Ngai-Mûnene.”

Ezek 13:2 ပူးပေါင်းရင်းမြစ်များ

1Atha 22:19

Mikaia nîwathiîre mbere na akiuga atîrî, “Rîu thikîrîria ûrîa Ngai-Mûnene augîte! Nînoonire Ngai-Mûnene ekarîrîte gîtî gîake Kîam ûthamaki kûu îgûrû, nao araika ake onthe maarûngamîte mamûthiûrûrûkîrîtie.

Isaia 1:10

Thikîrîriani ûrîa Ngai-Mûnene arauga mue anene a Sodomu! Thikîrîriani ûrîa Ngai wetû arathomithania mue andû a Gomora!

Isaia 28:14

Kwoguo mue andû aya ang'endu mue mwathaga andû mûrî Jerusalemu, thikîrîriani ûrîa Ngai-Mûnene arauga!

Isaia 9:15

Athuuri na andû arîa ave gîtîîo nîo ciongo, nao arathi arîa mathomithanagia maûndû ma maveeni nîo mîkia.

Jeremia 23:2

Kwoguo, ûvoro wîgiî arîthi arîa mamenyagîrîra andû akwa, Ngai-Mûnene Ngai wa Isiraeli arauga atîrî, “Mue nîmûnyaganîtie andû akwa, mûkamengata na mûkarega kûmatungatîra. Rîu nîngûmûverithia nîûndû wa maûndû macûku marîa mwîkîte.

Jeremia 27:14

Mûtikathikîrîrie arathi arîa mamwîraga mûtikathîkîre mûthamaki wa Babuloni, nîûndû methagîrwa makîmûveenia.

Jeremia 27:18

Ethîrwa o nî arathi na marî na ndûmîrîri ya Ngai-Mûnene, nî makaîre Ngai-Mûnene mwene vinya wonthe nîguo indo irîa ciatigarire hekarûrî ya Ngai-Mûnene na nyombarî ya mûthamaki wa Juda na Jerusalemu itikavirwe Babuloni.”

Jeremia 37:19

Marî kû arathi arîa maarathire magîkwîra atî, ‘Mûthamaki wa Babulonia ndagaakûtharîkîra kana atharîkîre vûrûri ûyû?’

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Jeremia 8:10

Kwoguo nîngaavecana aka ao kûrî andû engî, mvecane mîgûnda yao kûrî andû engî. Nîûndû kuuma ûrîa mûnini nginya ûrîa mûnene, onthe macaragia indo na njîra îrîa îtarî ya ma. Kuuma kûrî arathi kûthiî kûrî athînjîri-Ngai, onthe mekaga maûndû ma maveeni.

Maca 4:13

Maûndû mau mekîkire nîûndû wa mevia ma arathi, na mavîtia ma athînjîri-Ngai, arîa maûragîre andû arîa athingu îtûûrarî rîake.

Ezek 13:1

Ngai-Mûnene nîwambîrire atîrî,

Ezek 13:17

“Nawe mûndû, taroria aka a andû enyu arîa marathaga maûndû marîa meciragia o ene. Menereria arathi acio,

Ezek 13:3

Ngai-Mûnene augîte atîrî, “Mue arathi aya aritu, kaî mûrî na thîna-î: mûrûmagîrîra meciria menyu na gûtirî kîndû mwonete.

Ezek 16:35

We îraa rîrî, rîu thikîrîria ciugo cia Ngai-Mûnene!

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Ezek 22:28

Arathi ao nîmatenderetie ngoro ciao ta ûrîa mûndû avakaga rûthingo cokaa. Monaga cioneki cia maveeni, na makaratha maûndû ma maveeni makiugaga atî nî Ngai-Mûnene warîtie wa rîrîa atarîtie.

Ezek 34:7

“Kwoguo mue arîthi, thikîrîriani ûrîa nie Ngai-Mûnene ngûmwîra.

Ezek 34:9

Kwoguo thikîrîriani mue arîthi mwîgue ûrîa ngûmwîra.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mika 3:6

“Mue arathi, nîgûgaatuka mûtige kwona cioneki, mûrumîrûe nî nduma mûtige kwona maûndû, mûtigacoka kûgîa na cioneki, kana kûratha ûndû wanarî ûmwe.”

Zefania 3:4

Arathi akuo nî andû matangîîvokwa na marî maveeni. Athînjîri-Ngai nîmavakîte vandû va kûgoocerwa gîko, na makagarûra watho wa Ngai nîguo wîgucane na ûrîa makwenda.