Ezek 13:17 - ÎVUKU RÎA ÛVORO MWARO

¹⁷ “Nawe mûndû, taroria aka a andû enyu arîa marathaga maûndû marîa meciragia o ene. Menereria arathi acio,

Ezek 13:17 ပူးပေါင်းရင်းမြစ်များ

2Atha 22:14

Kwoguo mûthînjîri-Ngai Hilikia, Ahikamu, Akibori, Shafani, na Asaia nîmaathiîre kûrî mûndûmûka ûmwe mûrathi wetagwa Hulida, mûka wa Shalumu, mûvîcî wa Tikiva. Tikiva aarî mûvîcî wa Harihasi. Harihasi nîke wamenyagîrîra nguo cia hekarû. Vîndî îo Hulida aatûûraga Jerusalemu, îtûûrarî rîa kaîrî. Nao nîmaaranîrie nake,

Nehemia 6:14

Nînavoire Ngai ngiuga atîrî, “Ngai wakwa, ririkana maûndû marîa Tobia na Sanibalati mekîte, wana ûririkane mûrathi ûrîa mûndûmûka wîtagwa Noadia na arathi acio engî arîa maageragia kûmbîguithia guoya.”

Isaia 4:4

Mwathani nîagaatuîra andû a Zayuni na atherie mevia ma Jerusalemu na nthakame îrîa îtûrûrîtwe kuo.

Ezek 13:2

“Mûndû, rathîra arathi a Isiraeli na ûregane na ûrathi wao ûrîa marathaga kûringana na meciria mao. Meere mathikîrîrie kiugo Kîam Ngai-Mûnene.”

Ezek 20:46

“Mûndû, taroria na mwena wa îveti. Vecana ûvoro wîgiî mwena wa îveti, na ûrathîre ûvoro ûkîregana na andû arîa matûûraga vûrûri wa Negebu.

Ezek 21:2

“Mûndû, taroria Jerusalemu. Rathîra kûndû kûrîa andû mathiîcaga nîguo makagooce ûregane nakuo, na ûrathe ûkîregana na vûrûri wa Isiraeli.

Ezek 4:3

Ûcoke woce kîvengere gîa cuuma gîa kûvîvîria mîgate na ûkige gîkare ta rûthingo gatagatî gaku na îtûûra rîu. Erekera îtûûra rîu rîrigicîrie, na nîwe ûrîrigicîrîtie. Kîu gîkethîrwa kîrî kîmenyithia kûrî andû a Isiraeli.

Luka 2:36

Na wa kûu hekarûrî kwarî na mûndûmûka mûkûrû wa ndigwa na aarî mûrathi. Nake eetagwa Ana, mwarî wa Fanueli na aarî wa mûvîrîga wa Asheri. Ana ndarî na mûthuuri nîûndû kuuma aavika, eekaranirie na mûthuuri wake kavinda ka mîaka mûgwanja tu. Vîndî îo aarî na ûkûrû wa mîaka mîrongo înana na îna.

Ciîko 21:9

Nake aarî na erîtu ana mataarî aviku na maarî na kîveo Kîam ûrathi.

2Pet 2:1

Tene arathi a maveeni nîmeyumagîria gatagatîrî ka andû. Na njîra wata îo nwa yo arimû a maveeni makeyumîria gatagatîrî kenyu marete irîra cia gûcûkangia na itarî cia ma, na marege Mwathani ûrîa wamakûûrire. Kwoguo nîmakeretera narua maûndû ma kûmathiria o ene.

Kûguû 2:20

Nwatî nîrî na ûndû nîramûcukîra: Mue nîmwîtîkagîria mûndûmûka ûcio wîtagwa Jezebeli atambie kîthomo Kîam maveeni. Ke etucaga nî mûrathi wa Ngai, nwatî na njîra ya kîthomo kîu gîake, nîavîtithagia ndungata ciakwa igeka ciîko cia ûmaraa na ikarîa irio irîa irutîrîtwe mîvuanano.

Atir 4:4

Nake Debora mûka wa Lapidothu aarî mûrathi na nîke watiragîrîra Aisiraeli vîndî îo.