Ezek 13:13 - ÎVUKU RÎA ÛVORO MWARO

¹³ Kwoguo Ngai-Mûnene augîte atîrî, “Nîngaarekereria rûkûngi rûnene na mbura ya mbembe nîrî na marakara icûkangie rûthingo rûu.

Ezek 13:13 ပူးပေါင်းရင်းမြစ်များ

Ayubu 38:22

“Wanatonya makûmbîrî ma mbaravu, kana wona makûmbî ma mbura ya mbembe,

Ayubu 38:23

irîa mbigîte nîûndû wa mavinda ma thîna, wana nîûndû wa mavinda ma mbaara?

Thaburi 105:32

Îthenya rîa mbura, aamaurithîrie mbura ya mbembe, na mveni ciamûrîkaga vûrûri wao wonthe.

Thaburi 107:25

Nîwathanire, na rûkûngi rûnene rûkîvurutana, rûgîtûma makûmbî ma manjî îriarî maûkîrîre.

Thaburi 148:8

Mveni, mbura ya mbembe, mbaravu na mbaa, rûkûngi rûnene rûrîa rûvingagia watho wake!

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Jeremia 23:19

Ta roria, marakara kuuma kûrî Ngai-Mûnene maûkîte ta rûkûngi rûnene rwa kûringa kîongo Kîam andû arîa aganu.

Maca 2:1

Ngai-Mûnene arî na marakara, nîaigîte andû a Zayuni ndumarî. Ngai-Mûnene nîanyûrûrûkîtie riiri wa Isiraeli kuuma îgûrû nginya nthî. Mûthenya ûrîa aarakarire ndaaririkana kûrîa magûrû make makinyangaga.

Maca 2:3

Nîûndû wa marakara nîanyaganîtie vinya wonthe wa Isiraeli, nîwaregire gûtûtethia rîrîa twathithûkîîrwe nî nthû, akanîte kûrî andû a Juda ta mwaki mûnene mûno.

Maca 2:4

Nîwatungire ûta atwerekeretie ta tûrî nthû, nîwaûragire arîa onthe twendete na maatûkenagia. Arî îgemarî rîa mwarî wa Zayuni, nîatwîtîrîrîtie marakara make ta mwaki.

Ezek 1:4

Nînacokire ngîroria na ngîona rûkûngi rûnene rûkîte kuuma na mwena wa rûgûrû na kûrî na îtu rînene rîaumaga mveni na mwaki ûtaavoraga. Gatagatî ka mwaki ûcio kwarî na kîndû Kîamvenagia ta cuuma ya gîcango.

Ezek 13:12

Rîrîa rûthingo rûkaagwa, andû onthe nîmakaamûria vata wa kûvaka rangi mûcerû warî ûrî kû?”

Alawi 26:28

nîngaaregana namue nîrî na marakara, na nîmûverithie maita mûgwanja nîûndû wa mevia menyu.

Jona 1:4

Nwatî Ngai-Mûnene nîwatûmire rûkûngi rûnene rûvurutane îriarî, na gûkîgîa na kîvuvûkanio kînene mûno îriarî nginya meri îkîenda kunîkanga.

Hagai 2:17

Nînatûmire rûkûngi rûnene na ndavaîki na mbura ya mbembe ciûke icûkangie indo cionthe irîa mwageragia kûrîma, nwatî kûnarî ûguo mue mûtianjokerera, ûguo nîguo Ngai-Mûnene arauga.

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

Kûguû 16:21

Mbura ya mbembe nene ciarî na ûrito ta wa kilo mîrongo îtano nîyaurire kuuma îgûrû. Nayo yaurîra andû, nîmaarumire Ngai nîûndû wa mavera ma mbura. Mavera mau maarî mûcûku mûno.

Kûguû 8:7

Nake mûraika wa mbere nîwavuvire karumbeta gake. Nayo mbura ya mbembe na mwaki, itukanîte na nthakame nîcietîkire nthî. Nakîo gîcunjî kîmwe Kîam icunjî ithatû cia nthî na nyaki yonthe ya ngirini, na gîcunjî kîmwe Kîam icunjî ithatû cia mîtî nîciavîre.