Ezek 12:3 - ÎVUKU RÎA ÛVORO MWARO

³ nîûndû nî aremi. Kwoguo mûndû, varîria mîrigo yaku ûthiî îthamîriorî na ûthiî mûthenya magîkwonaga, ûrîre kûndû kwîngî. Nwakwîthîrwa magataûkîrwa wana ethîrwa nî andû aremi.

Ezek 12:3 ပူးပေါင်းရင်းမြစ်များ

Thaburi 81:13

Naarî kethîrwa andû akwa nîmaanthikîrîrie; naarî kethîrwa Isiraeli nîmaambathîkîre!

Jeremia 10:17

Mue andû a Jerusalemu cokanîrîriani indo cienyu, mûrî arigicîrie.

Jeremia 26:3

Nwa kwîthîrwa nîmakûthikîrîria na matigane na maûndû mao macûku, nanie nwa nîricûkwe gwîka maûndû macûku marîa nîvarîrîtie kûmeka nîûndû wa waganu wao ûrîa mekaga.

Jeremia 27:2

Ngai-Mûnene aambîrire atîrî, “Jeremia, rûtha îcoki na mîkwa yarîo na ûrîkîre ngingorî yaku.

Jeremia 36:3

Nwa kwîthîrwa andû a Juda nîmakwîgua maûndû monthe macûku marîa mvangîte kûmeka, nîguo wa mûndû agarûrûke atigane na mîthiîre yake mîcûku, nanie nîmarekere mevia mao na maûndû macûku marîa mekîte.”

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Ezek 12:7

Kwoguo nînekire wata ûrîa naathirwe. Nînarutire mûrigo wakwa kûrî mûthenya na ngîwovania ta mûndû ûthiîte îthamîriorî. Kîvwaî kîu nînatûrîkirie îrima rûthingorî na njara ciakwa. Na gwatuka nînaumîrîre îrimarî rîu nguuîte mûrigo wakwa na Kîamnde mandoretie na ngîthiî.

Ezek 3:26

Nîngatûma rûrîmî rwaku rûtuîke rûrito na nîûkaaremwa nî kwaria nîguo ndûgakanie andû acio aremi.

Ezek 3:27

Nwatî rîrîa ngakwarîria, nîngakûvingûra kanyua na nîûkamera ûrîa nie Ngai-Mûnene mbugîte. Amwe nîmagaakûthikîrîria, nwatî amwe matigakûthikîrîria nîûndû nî andû aremi.”

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Ezek 43:11

Mangîgua maconokete nîûndû wa maûndû marîa mekire, matarîrie mûcoro wa hekarû: ûrîa îtumîtwe, mîromo yayo ya gûtonya na ya kuuma na nja, ûrîa îvuana, ûrîa indo cionthe ivangîtwe na irîra na mawatho mayo monthe. Ûcoke ûmandîkîre maûndû mau monthe nîguo monage ûrîa indo cionthe ivangîtwe na mavotage kûrûmîrîra mawatho mau.

Luka 13:34

“Jerusalemu, Jerusalemu! Atî wa rîrîa rîonthe Ngai agûtûmîra arathi nîkwa ûmaûragaga! Nî maita megana nanenda gûcokanîrîria andû aku vamwe wata ûrîa ngûkû îcokanagîrîria tûciiû rungu rwa mathagu mayo, nwatî ndûmbîtîkagîria!

Luka 20:13

Nake mwene mûgûnda nîweyûririe atîrî, ‘Rîu nîmbîka atîa? Nîmatûmîra mûriû wakwa ûrîa mendete na nîrî na ma nîmakûmûva gîtîîo!’

Gûco 32:29

Kethîrwa maarî na ûûgî nîmaangîamenyire kîrîa gîatûmire mavootwe, nîmangîamenyire ûrîa makaarîkîrîria.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

2Tim 2:25

Nîwagîrîrwe nîkwîthîrwa ûrî mûvoreri rîrîa ûgûtaara andû arîa magûkararagia, nîûndû Ngai avota kûmava kamweke ga kwîrira na makamenya ûvoro wa ma.