Ezek 12:25 - ÎVUKU RÎA ÛVORO MWARO

²⁵ Nwatî nie Ngai-Mûnene nîngaaragia na ûndû ûrîa naria nîûkaavingua ûtagwîkarîrîria. Kavinda ga ûtûûro wenyu, mue aremi a Isiraeli, ngaragia ûndû na ûgekîka. Nie Ngai-Mûnene nînie mbugîte ûguo.”

Ezek 12:25 ပူးပေါင်းရင်းမြစ်များ

Isaia 14:24

Ngai-Mûnene mwene vinya wonthe evîtîte akauga atîrî, “Ûrîa mvangîte nîguo gûgeekîka, na ûrîa nduîte nîguo gûkaavinga.

Isaia 55:11

nwaguo ciugo irîa mbaragia ikeethîrwa ciîkariî; itikaanjokerera wa ûguo mana, nwatî nîikaavingia wîra wakwa, na irute wîra ûrîa naaitûmire.

Jeremia 1:11

Ngai-Mûnene nîwambîrire atîrî, “Jeremia nîndûî ûrona?” Nanie nînamûcokerie atîrî, “Nîrona rûvûa rwa mûtî wa mûrothi.”

Jeremia 16:9

Nîûndû nie, Ngai-Mûnene Ngai wa Isiraeli nîrauga atîrî: “Nîngathiria mîgambo ya andû arîa marakena na magacanjamûka, na nthirie mîgambo ya gîkeno Kîam mûviki na mûvikania. Maûndû mama monthe ngeka mûrî mwoyo na mûkîmonaga.

Maca 2:17

Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Ezek 12:26

Ngai-Mûnene nîwambîrire atîrî,

Ezek 12:28

Kwoguo meere nie Ngai-Mûnene, mbugîte atî ciugo ciakwa cionthe gûtirî gîgeekarîrîria rîngî. Ûrîa mbarîtie nwanginya wîkîkage. Ûguo nîguo nie Ngai-Mûnene mbugîte!”

Ezek 6:10

Nîmagaacoka mamenye atî, nînie Ngai-Mûnene na atî tîkwa namamakagia rîrîa naamerire atî nîngamaretithîria maûndû mau macûku.”

Ezek 7:13

Mwendia ndagaacokererwa nî kîndû kîrîa eendirie wana angîtûûra mwoyo, nîûndû marakara ma Ngai magaakinyîra andû onthe. Kwoguo gûtirî mûndû ûgaatigara mwoyo nîûndû wa mevia make.

Danieli 9:12

Nîwavingirie maûndû marîa waugire nîûgaatwîka vamwe na athani etû. Nîwacûkangirie Jerusalemu gûkîra ûrîa wanacûkangia matûûra marîa mengî monthe ma nthî.

Habakuku 1:5

Ngai-Mûnene arauga atîrî, “Taroria ndûrîrî irîa ikûrigicîrîtie wone, na nîûkûmaka na ûvavûke. Nîûndû nîngwîka ûndû wa ûrî mwoyo, ûndû ûtagetîkia rîrîa ûkerwa guo.

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Ndari 11:23

Nake Ngai-Mûnene nîwacokerie Musa atîrî, “Anga vinya wakwa wîthagîrwa ûrî na kîthimi? Eterera wone kana ûrîa mbugîte tîgûtuîkîka!”

Mathaayo 24:35

Îgûrû na nthî nîikaathira, nwatî ciugo ciakwa itikaathira.

Luka 21:13

Gaka gakethîrwa karî kamweke kenyu ga kûvunjia Ûvoro Mwaro.

Luka 21:33

Îgûrû na nthî nîikaathira, nwatî ciugo ciakwa itikaathira.”