Ezek 12:2 - ÎVUKU RÎA ÛVORO MWARO

² “Mûndû, we ûtûûranagia na andû aremi. Marî na metho ma kwona nwatî mationaga, marî na matû ma kwîgua nwatî matiîgucaga,

Ezek 12:2 ပူးပေါင်းရင်းမြစ်များ

2Atha 17:14

Nwatî nîmaaregire kwathîka; nîmaaûmirie ngoro ciao wata methe mao arîa maaregire gwîtîkia Ngai-Mûnene Ngai wao.

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

Thaburi 78:40

Nîmaareganire na Ngai maita meengî marî werûrî, na maita meengî nîmaamwîguithirie kîeva.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 30:1

Ngai-Mûnene arauga atîrî, “Kaî ciana irîa ireganaga nanie irî na thîna-î, irûthaga mîvango yacio, nwatî tî yakwa; irûthaga ngwatanîro itaringanîte na ûrîa mendaga, makongerera wîvia îgûrû rîa wîvia.

Isaia 30:9

Nîûndû andû aya nîaremi, ciana itaragia ûma, na itegucaga mataaro ma Ngai-Mûnene.

Isaia 43:8

Ngai arauga atîrî, “Reteni andû acio wana ethîrwa marî na metho, nî ndumumu, acio matiîgucaga, wana ethîrwa marî na matû!

Isaia 44:18

Andû acio matiîcî ûndû, wana kana mecirie. Nîavinge metho mao, nîguo matikavote kwona, na makavingwa meciria mao, nîguo matikavote gûtaûkîrwa.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Jeremia 4:17

Mathiûrûrûkîrîtie Jerusalemu ta arangîri a mûgûnda, nîûndû andû a kuo nîmareganîte nanie. Ûguo nîguo Ngai-Mûnene arauga.

Jeremia 5:21

Thikîrîriani mue irimû na andû aritu, mûrî na metho, nwatî mûtionaga, mûrî na matû, nwatî mûtiîgucaga.

Jeremia 5:23

Nwatî andû aya nî aremi na marî ngoro nyûmû, nîmagarûrûkîte na makandiganîria.

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Ezek 12:1

Ngai-Mûnene nîwambîrire atîrî,

Ezek 12:25

Nwatî nie Ngai-Mûnene nîngaaragia na ûndû ûrîa naria nîûkaavingua ûtagwîkarîrîria. Kavinda ga ûtûûro wenyu, mue aremi a Isiraeli, ngaragia ûndû na ûgekîka. Nie Ngai-Mûnene nînie mbugîte ûguo.”

Ezek 17:12

“Rîu arîria andû acio aremi ûmaûrie kana nîmaicî ûrîa ngerekano îo yugîte. Meere atî mûthamaki wa Babuloni nîwaûkire Jerusalemu na agîoca mûthamaki wa Jerusalemu wa vamwe na atongoria ake na akîthiî nao Babuloni.

Ezek 2:3

na akîmbîra atîrî, “We mûndû, nîngûtûma kûrî andû a Isiraeli, andû mareganîte nanie. Nginya ûmûnthî andû acio nîmamvîtîrîtie wata ûrîa methe mao maamvîtîrie.

Ezek 24:3

Arîria andû acio akwa aremi na ngerekano ûmeere nie Ngai-Mûnene nîrauga atî; Igîrîra thuvuria îgûrû rîa riiko rîrî na mwaki na ûmîcûrie manjî.

Ezek 3:9

Nîngatûma ûthiû waku ûme ta îthiga rîrîa rîûmû mûno. Ndûgetigîre kana ûmakue nîo nîûndû nî andû aremi.”

Ezek 44:6

“Îra andû acio a Isiraeli aremi Ngai-Mûnene augîte atî, nîmatige gwîka maûndû mau marî mûgiro methîrîtwe magîka.

Maariko 4:12

‘Kûroria maroragie, na matione; kwîgua megucage, na matitaûkîrwe. Nîûndû mangîtaûkîrwa, nwa macokerere Ngai, nake akamovera mevia mao.’ ”

Luka 8:10

Nake nîwamacokerie atîrî, “Mue mûrî ave ûûgî wa kûmenya nthitho cia Ûthamaki wa Ngai, nwatî andû arîa engî mamenyithagua ûvoro na ngerekano, nîguo maroragie na matione wanarî kîndû, na megucage na matitaûkîrwe.”

Johana 12:40

“Ngai nîamatuîte atumumu, na akamaûmia ngoro, nîguo matikone na metho mao, na matigataûkîrwe ngororî ciao, wana matikanjokerere nîmavonie.”

2Akor 3:14

Nwatî meciria mao nîmaaûmirue, wana nginya ûmûnthî meciria mao methagîrwa marî makunîkîre na gîtambaa wata kîu rîrîa makûthoma Kîrîkanîro kîrîa gîkûrû. Gîtambaa kîu kîmakunîkîrîte meciria kîrutagwa vo tu na njîra ya Kristû.

Aefeso 4:18

Matitaûkagîrwa na gûtirî ûndû maicî nîûndû wa ûmû wa ngoro ciao. Kwoguo matigîcaga na ûtûûro ûrîa ûvecanagwa nî Ngai.

Gûco 29:3

Nîmwonire mûthiro, ciama, na maûndû ma magegania marîa Ngai-Mûnene eekire Misiri.

Gûco 29:4

Nwatî nginya ûmûnthî Ngai-Mûnene nîwaregire mûtaûkîrwe nî maûndû marîa mwegwire na mûkîona.

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.

Gûco 9:24

Mûtûûrîte mûreganîte na Ngai-Mûnene kuuma rîrîa naamûmenyire.

Gûco 9:7

“Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.