Ezek 11:5 - ÎVUKU RÎA ÛVORO MWARO

⁵ Nînacokire ngîcûrwa nî Roho wa Ngai-Mûnene, na akîmbîra ngeere andû a Isiraeli Ngai-Mûnene augîte atîrî, “Ûguo nîguo mugaga mue nyomba ya Isiraeli, nîûndû nîmbicî meciria menyu.

Ezek 11:5 ပူးပေါင်းရင်းမြစ်များ

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Thaburi 50:21

Wîkîte maûndû mau monthe ngirîte, weciragia nie mbîkariî tawe? Nwatî rîu nînagûkaania, na nakûva ûvoro cararûkû.

Thaburi 7:9

We wî Ngai mûthingu, na ûtucagîra ngoro cietû na meciria metû, thiria waganu wa eki naaî, na ûrathime andû arîa athingu.

Isaia 28:15

Nîûndû mugîte atîrî, “Tue tûrî arûthu kîrîkanîro na gîkuû, na tûrîetîkanîriu na kwa arîa akuû! Rîrîa mûthiro ûkaavîtûkîrîra gûkû ndûgaatûvutia, nîûndû tûtuîte maveeni kûndû gwa kûrîra, na tûkethitha maûndûrî ma maveeni.”

Isaia 58:1

Ngai-Mûnene arauga atîrî, “Anîrîra na vinya waku wonthe wata ûrîa ûngîvota! Menyithia nyomba ya Jakovu, andû akwa mevia mao!

Jeremia 11:20

Nwatî we Ngai-Mûnene mwene vinya wonthe, ûrîa ûtucanagîra na kîvooto, we ûthimaga ngoro na meciria ma andû, tiga mone ûkîndîvîrîria kûrî andû aya, nîûndû nîwe tu ûngîtua cira wakwa.

Jeremia 16:17

Nie nîmonaga maûndû monthe marîa mekaga; gûtirî ûndû mangînthitha. Nîmonaga mevia mao monthe.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Ezek 2:2

Nînacokire ngîcûrwa nî Roho wa Ngai na akînûngamia. Ngîgua akîmbarîria,

Ezek 2:7

We nîûkaamera ciugo ciakwa wana makûthikîrîria kana marege gûkûthikîrîria nîûndû andû acio nî aremi.

Ezek 20:32

Ûguo mûtuîte na ngoro cienyu gûtingîvoteka, nîûndû mûrauga atî nîmwenda kûvanana na ndûrîrî irîa ciîngî, irîa igoocaga mîtî na mathiga.”

Ezek 28:2

“We mûndû, îra mûthamaki wa Turo ûrîa nie Ngai-Mûnene Ngai nîramwîra. Arî na mwîtîîo ngororî na arauga atî ke nî ngai na ekaragîra gîtî Kîam ûnene Kîam ngai gatagatî ka maria. Nwatî we wî mûndû nwa tîwe ngai wana ethîrwa wîyonaga ûrî na ûgî ta ngai.

Ezek 29:3

Mwîre nie Ngai-Mûnene Ngai mbugîte atîrî: Nîngûrûa nawe mûthamaki wa Misiri we ndamathia îrîa îmamaga rûnjîrî rwa Nilo. Ugaga atî rûnjî rûu nî rwaku na nîwe watûmire rûgîe.

Ezek 3:11

Thiî rîu kûrî andû enyu arîa marî îthamîriorî na ûmere ûrîa nie Ngai-Mûnene mbugîte, wana ethîrwa magakûthikîrîria kana tî makûthikîrîria.”

Ezek 3:24

Nwatî nînecûrirwe nî Roho wa Ngai na ûkînûngamia. Ngai-Mûnene nîwambîrire atîrî, “Thiî ûkevingîre gwaku nyomba.

Ezek 3:27

Nwatî rîrîa ngakwarîria, nîngakûvingûra kanyua na nîûkamera ûrîa nie Ngai-Mûnene mbugîte. Amwe nîmagaakûthikîrîria, nwatî amwe matigakûthikîrîria nîûndû nî andû aremi.”

Ezek 8:1

Mûthenya wa gatano mwerirî wa gatandatû mwaka wa gatandatû, naarî gwakwa mûciî tûrî vamwe na athuuri a Juda. Wa rîmwe nînagîrwe nî vinya wa Ngai-Mûnene.

Maariko 2:8

Nake Jesû nîwamenyire wa rîmwe ûrîa meciragia, na kwoguo akîmaûria atîrî, “Nîndûî kîratûma mwîcirie maûndû ta mama?

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Ciîko 10:44

Rîrîa Petero aathiîcaga na mbere kwaria, Roho Mûtheru nîwanyûrûrûkîre arîa onthe maathikîrîrîtie ndûmîrîri îo.

Ciîko 11:15

Rîrîa naambîrîrie kwaria, Roho Mûtheru nîwamanyûrûrûkîre wata ûrîa aatûnyûrûrûkîre Kîammbîrîriarî.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

Jakuvu 3:6

Rûrîmî nwa rûtuîke ta mwaki. Nî vûrûri mûgima wa maûndû macûku gatagatîrî ga ciîga cia mîîrî yetû. Rûrîmî nîrûtambagia ûcûku wa ruo mwîrîrî wonthe. Nîrûvîvagia mûtûûrîre wetû wonthe na mwaki ûrîa ûkaga kûrî ruo kuuma îcua.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

1Sam 10:10

Rîrîa Saûlo marî na ndungata yake maakinyire Gibea, nîwatûngirwe nî gîkundi Kîam arathi. Naguo Roho wa Ngai ûgîûka îgûrû rîake na vinya wa rîmwe na na ûkîmûtongoria. Nake nîwambîrîrie kwina augîrîrîtie marî na arathi acio.

1Sam 10:6

Nake Roho wa Ngai-Mûnene agaûka îgûrû rîaku na vinya wa rîmwe na ûgarûrûke ûtuîke mûndû wîngî. Nawe ûkanyitanîria nao na wambîrîrie kwina ugîrîrîtie.