Ezek 11:20 - ÎVUKU RÎA ÛVORO MWARO

²⁰ Nîmûgaacoka kûrûmîrîra mawatho makwa na mwathîkagîre irîra ciakwa. Nanie nîngaatuîka Ngai wao, nao nîmagaatuîka andû akwa.

Ezek 11:20 ပူးပေါင်းရင်းမြစ်များ

Kîam 17:8

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Thaburi 105:45

nîguo andû ake makaathîkîra mawatho make, na kûvingia maathani make. Kumiani Ngai-Mûnene!

Thaburi 119:1

Kûrathimwa nî andû arîa marî mîthiîre mîrûngîrîru; arîa marûmagîrîra watho wa Ngai-Mûnene.

Thaburi 119:32

Ngaarûmagîrîra ûrîa maathani maku maugîte, nîûndû nîûmvecaga ûtaûku mwîngî.

Nthi 9:6

Tiganani na andû arîa matarî na ûûgî, na nî mûgûtûûra mwoyo. Tiga ûmenyo ûkwonie mîthiîre mîaro.”

Jeremia 11:4

kîrîa narûthire na methe menyu vîndî îrîa namarutire Misiri vûrûri ûrîa wekariî ta mwaki mûnene ûkîrîrîmbûka. Nînamerire mathikîrîrie mûgambo wakwa, na mekage ûrîa wonthe ngûmatha nîguo matuîke andû akwa nanie nduîke Ngai wao.

Jeremia 24:5

“Nie Ngai-Mûnene, Ngai wa Isiraeli nîrauga atî, ta ûrîa ngûyû ino îrî mbaro, nîguo ngona andû a Juda marî aro arîa narutire gûkû na ngîmavira îthamîriorî vûrûrirî wa Akalidei.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 30:22

“Nîmagaatuîka andû akwa, na nie nduîke Ngai wao.”

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Jeremia 32:38

Nao nîmagaatuîka andû akwa, nanie nduîke Ngai wao.

Jeremia 32:39

Nîngamava mworoto ûmwe nîguo mavote gûtûûra mandîaga tene na tene nîûndû wa wagîrîru wao o ene na wa njiarwa ciao.

Ezek 11:12

Nîmûkaamenya atî nie nînie Ngai-Mûnene ûrîa mwaregire kûrûmîrîra mawatho make kana mûvingia irîra ciake, nwatî mwekire kûringana na irîra cia ndûrîrî irîa imûthiûrûrûkîrîtie.”

Ezek 14:11

Nao andû a Isiraeli matigaacoka kûndiganîria rîngî, kana megwatia mûgiro na maûndû macûku marîa mekaga, nwatî magaatuîka andû akwa, nanie nduîke Ngai wao. Nînie Ngai-Mûnene nauga ûguo.”

Ezek 37:23

Matigaacoka kwîgwatia mûgiro na ngai icio ciao cia mîvuanano rîngî na maûndû marîa nie nthûrîte, kana na mavîtia mao. Nwatî nîngaamavonokia kuuma kûrî maûndû monthe marîa matûmaga mevie na maregane nanie na nîmatherie. Magaatuîka andû akwa, nanie nduîke Ngai wao.

Ezek 37:27

Nîngaatûûranagia nao na nduîke Ngai wao, nao matuîke andû akwa.

Ezek 43:11

Mangîgua maconokete nîûndû wa maûndû marîa mekire, matarîrie mûcoro wa hekarû: ûrîa îtumîtwe, mîromo yayo ya gûtonya na ya kuuma na nja, ûrîa îvuana, ûrîa indo cionthe ivangîtwe na irîra na mawatho mayo monthe. Ûcoke ûmandîkîre maûndû mau monthe nîguo monage ûrîa indo cionthe ivangîtwe na mavotage kûrûmîrîra mawatho mau.

Hosea 2:23

Nîngatûma andû akwa vûrûrirî ûcio mevande na mathatûkwe. Nîngeguîra ntha, ‘Ûrîa ûtegucagîrwa ntha,’ nao arîa metirwe ‘Tî akwa,’ nîngamera, ‘Mue mûrî andû akwa.’ Nao nîmakaauga, ‘We nîwe Ngai wetû.’ ”

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Zakaria 8:8

na nîmacokie matûûrage Jerusalemu marî na thayû. Nîmagaatuîka andû akwa nanie nduîke Ngai wao nîmathage na njîra ya ma na ya wîvokeku.”

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Aroma 16:26

Na rîu, maûndû marîa mandîkîtwe nî arathi nîmatûmîte ûndû ûcio ûmenyeke. Ngai ûrîa ûtûûraga tene na tene nîwathanire atî ûvoro ûcio ûmenyithue andû onthe a nthî nîguo onthe metîkie na mathîkîre Ngai.

1Akor 11:2

Nînîmûgathagîrîria nîûndû nîmûndirikanaga vingo cionthe na nîmûrûmagîrîra waro kîrîra kîrîa namûkinyîrie.

Gûco 30:6

Ngai-Mûnene, Ngai wenyu nîakaamûva, mue na njiarwa cienyu ngoro îrî na wathîki nîguo mûmwende na ngoro yonthe, na mûthiî na mbere gûtûûra îvinda îraca vûrûrirî ûcio.

Ahib 11:16

Vandû va ûguo, meeriragîria vûrûri mwaro, vûrûri wa îgûrû. Na nîûndû wa ûguo, Ngai ndangîconoka nî o makîmwîta Ngai wao, nîûndû ke nîamathondekerete îtûûra rînene kûu îgûrû.

Ahib 8:10

Mwathani arauga atîrî, “Gîkî nîkîo kîrîkanîro kîrîa ngaathondeka na andû a Isiraeli mîthenya îrîa îgaaûka, vîndî îo nîngekîra mawatho makwa meciriarî mao, na nîmandîke ngororî ciao. Nîngaatuîka Ngai wao, nao nîmagaatuîka andû akwa.