Ezek 11:17 - ÎVUKU RÎA ÛVORO MWARO

¹⁷ “Kwoguo meere Ngai-Mûnene augîte nîngaamaûngania nîmarute mavûrûrirî marîa naamanyaganîrie, na nîngaamacokia vûrûrirî wa Isiraeli.

Ezek 11:17 ပူးပေါင်းရင်းမြစ်များ

Thaburi 107:3

na akamacokia kuuma mavûrûrirî mageni, kuuma mwena wa îrathîro na kuuma mwena wa îthûîro, kuuma mwena wa rûgûrû na kuuma mwena wa îveti.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Jeremia 24:5

“Nie Ngai-Mûnene, Ngai wa Isiraeli nîrauga atî, ta ûrîa ngûyû ino îrî mbaro, nîguo ngona andû a Juda marî aro arîa narutire gûkû na ngîmavira îthamîriorî vûrûrirî wa Akalidei.

Jeremia 24:6

Nîngamagitîra na nîmeke maûndû maro na nîngamacokia vûrûrirî ûyû. Nîngamatuma na ndikamomomora; nîngamavanda na ndikamang'aûrania.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 29:10

“Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.

Jeremia 3:12

Thiî wanîrîre ndûmîrîri îno kûrî andû a rûgûrû, na ûmeere atî: Njokererani mue andû a Isiraeli mûtarî evokeku; ûguo nîguo Ngai-Mûnene arauga. Nie tînîmûroria nîrî na marakara, nîûndû nîrî ntha; tîndûûra ndakarîte nîwe. Ûguo nîguo Ngai-Mûnene arauga.

Jeremia 3:18

Vîndî îo andû a Juda nîmakaanyitanîra na andû a Isiraeli, na marî vamwe nîmakauma vûrûri ûrîa ûrî mwena wa rûgûrû na macoke vûrûri ûrîa naveere methe menyu ûrî îgai rîao.”

Jeremia 30:18

Ngai-Mûnene arauga atîrî, “Nîngacokia andû a Jakovu vûrûrirî wao, na mbîguîre mîciî yao ntha. Îtûûra rîa Jerusalemu nîrîgaatumwa rîngî, na mûciî wa mûthamaki nîûvande varîa warî.

Jeremia 31:16

Ngai-Mûnene arauga atîrî, “Kira ûtige kûrîra na wîgirie methori, maûndû mau monthe wîkîte ciana ciaku, nîûndû nîûkaarîvwa wîra waku, na nîigaacoka kuuma vûrûri wa nthû ciao.

Ezek 20:34

Nîngaamûruta kuuma kûrî ndûrîrî nîmûcokanîrîrie vamwe kuuma mavûrûrirî marîa mûnyaganîrîtie na nîngaamwonia vinya wakwa na ûvoti wakwa.

Ezek 20:41

“Naamûruta kûrî ndûrîrî na mavûrûri marîa mûnyaganîrîtie na nîmûrete vamwe, nîngaamwamûkîra mûrî ta îgongoona rîrî na mûnungo mwaro wa kûngenia, nacio ndûrîrî nîikoona ûthingu wakwa.

Ezek 20:42

Rîrîa ngaamûcokia vûrûrirî wa Isiraeli, vûrûri ûrîa nerîrîre methe menyu na mwîvîtwa atî nîngaamava, nîmûkaamenya atî nie nînie Ngai-Mûnene.

Ezek 28:25

Ngai-Mûnene Ngai arauga atîrî, “Nîngaûngania andû a Isiraeli na nîmacokanîrîrie vamwe kuuma mavûrûrirî marîa maanyaganîrîtue. Ngeeka ûguo nîguo andû a ndûrîrî mone ûthingu wakwa. Nao andû a Isiraeli nîmagacoka gûtûûra vûrûrirî ûrîa naveere Jakovu, ndungata yakwa.

Ezek 34:11

“Nie Ngai-Mûnene Ngai nîrauga atî, nie mwene nîngaacaria ng'ondu ciakwa na nîimenyerere.

Ezek 34:13

Nîngaairuta kuuma kûrî andû a mavûrûri mageni, na nîicokie vûrûrirî wacio. Nîngaairîthia irîmarî cia vûrûri wa Isiraeli, tûrûnjîrî twakuo na kûndû kûrîa kuonthe andû matwîre vûrûrirî.

Ezek 36:24

Nîngaamûruta gatagatî ka andû a ndûrîrî na nîmûrute mavûrûrirî monthe nîmûcokie vûrûrirî wenyu.

Zakaria 8:7

Nîngaavonokia andû akwa maume mavûrûrirî marîa marî mwena wa îrathîro na marîa marî mwena wa îthûîro,

Gûco 30:3

Ngai-Mûnene Ngai wenyu nîakaamwîguîra ntha na amûcokanîrîrie vamwe rîngî kuuma mavûrûrirî monthe marîa aamûnyaganirie.