Ezek 11:16 - ÎVUKU RÎA ÛVORO MWARO

¹⁶ “Kwoguo îra andû arîa marî îthamîriorî atî nie Ngai-Mûnene, nînie naamavirire kûndû kûraca na ngîmanyaganîria mavûrûrirî mengî. Kûnarî ûguo, kavindarî gaka nîmbîthîrwa nîrî nao mavûrûrirî monthe kûrîa maathiîre.

Ezek 11:16 ပူးပေါင်းရင်းမြစ်များ

Thaburi 31:20

Nîûmathithaga varîa we ûrî, kûraca kuuma kûrî mîvango mîcûku ya andû, nîûmaigaga vandû ûmagitîrîte, kuuma kûrî irumi cia nthû ciao.

Thaburi 44:11

Nîûtûmîte twîkare ta ng'ondu ithiîte kûthînjwa; na nîûtûnyaganîtie mavûrûrirî marîa mengî.

Thaburi 90:1

We Mwathani, kuuma njiarwa na njiarwa wîthîrîtwe ûrî kûndû gwetû gwa kwîthitha.

Thaburi 91:1

Mûndû ûrîa wîthithaga kûrî Ngai-Mûnene, ûrîa ûtûûraga rungu rwa kîruru Kîam Ngai mwene vinya wonthe,

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Isaia 4:5

Ngai-Mûnene nîagaacoka atûme kûgîe na matu mûthenya îgûrû rîa Kîrîma gîa Zayuni na kûrî andû arîa magomanîte vo, na ndogo vamwe na kîmûrî Kîam mwaki ûtukû. Îgûrû rîa ûguo, riiri wa Ngai nîûgaakunîka na ûgitîre îtûûra rîonthe.

Isaia 8:14

Nie ngaatuîka kûndû gwa kûrîra, ngatuîka ta îthiga rîa kûmavînga, îthiga rîa kûvînga mothamaki ma Juda na Isiraeli; na nduîke mûtego wa kûnyita andû a Jerusalemu.

Jeremia 26:11

Athînjîri-Ngai na arathi nîmaacokire makîra anene na andû onthe atîrî, “Mûndû ûyû avatiî gûtuîrwa kûûragwa, nîûndû nîarathîte maûndû macûku megiî îtûûra rîîrî. Muonthe nîmweîguîra na matû menyu.”

Jeremia 26:7

Athînjîri-Ngai, arathi na andû onthe nîmegwire Jeremia akîaria maûndû mama monthe arî hekarûrî ya Ngai-Mûnene.

Jeremia 29:11

Nîûndû, nie Ngai-Mûnene nîmbîcî mîvango îrîa nîrî nayo kûrî mue, mîvango ya maûndû maro na tî maûndû macûku nîguo mûtûûrîre wenyu wa vîndî îrîa îgaûka wîthîrwe ûrî na kîîrîgîrîro.

Jeremia 29:7

Caragiani thayû wa îtûûra rîrîa natûmire mûthamîrue na mûvoyage Ngai-Mûnene nîûndû warîo, nîûndû maûndû mao nîmagûtuîka maro.

Jeremia 30:11

Nîûndû nîngaûka nîmûvonokie, na njûkangie mavûrûri monthe viû, kûrîa namûnyaganirie, nwatî mue ndikamûcûkangia. Mue ndikamûrakereria ndamûverithîtie, ngamûverithia na njîra ya kîvooto. Nie Ngai-Mûnene nînie nauga Ûguo.”

Jeremia 31:10

Mue mavûrûri, tathikîrîriani kiugo Kîam Ngai-Mûnene, na mûkîanîrîre mavûrûrirî marîa marî kûraca, mûmeere atî: ‘Ûrîa wanyaganirie andû a Isiraeli, nîakaamacokanîrîria, akamamenyerera ta ûrîa mûrîthi amenyagîrîra ng'ondu ciake.’

Jeremia 42:11

Mûtigetigîre mûthamaki wa Babuloni ûrîa mwîtigagîra; mûtikamwîtigîre wana vanini; ûguo nîguo Ngai-Mûnene arauga. Nie nîrî vamwe namue nîguo nîmûvonokie na nîmûtethûre kuuma kûrî ke.

Ezek 20:23

Makîria ma ûguo nînevîtire nîrî mbere yao kûu werûrî ngiuga atî, nîngaamanyagania gatagatîrî ka ndûrîrî ciîngî na ndûme mavirwe mavûrûrirî mengî.

Alawi 26:44

Nwatî kûnarî ûguo, ndikaamatiganîria viû kana nîmacûkangia viû vîndî îrîa makethîrwa marî vûrûrirî wa nthû ciao, atî nîguo wîthîrwe ûrî mûthiia wa kîrîkanîro gîetû nao, nîûndû Nie nînie Ngai-Mûnene, Ngai wao.

Zakaria 2:6

Ngai-Mûnene arera andû ake atîrî, “Ûkani! Umani kûu vûrûrirî wa mwena wa rûgûrû, kûrîa namûnyaganîtie mîena yonthe.

Gûco 4:27

Ngai-Mûnene nîakaamûnyagania mavûrûrirî marîa mengî, nwatî nî andû anini magaatigara kûu mavûrûrirî mau.