Ezek 11:10 - ÎVUKU RÎA ÛVORO MWARO

¹⁰ Ngaamûtuîrîra kûragwa na mûragwe mûrî mûvakarî wa Isiraeli, na nîmûkaamenya atî nînie Ngai-Mûnene.

Ezek 11:10 ပူးပေါင်းရင်းမြစ်များ

1Atha 8:65

Solomoni na andû onthe a Isiraeli nîmaakûngûîre kîrugo îvinda rîa mîthenya mûgwanja. Kwarî na andû eengî arîa maaûkîte kuuma mwanyarî wa Hamathi mwena wa rûgûrû nginya karûnjîrî ka Misiri mwena wa îveti.

2Atha 14:25

Nîwacokirie rîngî vûrûri wonthe ûrîa warî wa andû a Isiraeli kuuma mwanyarî wa Hamathi mwena wa rûgûrû nginya Îriarî rîa Araba mwena wa îveti. Ûguo nîguo Ngai-Mûnene Ngai wa Isiraeli aaugîte na njîra ya ndungata yake mûrathi Jona, mûvîcî wa Amitai. Jona aarî wa kuuma Gathu Heferi.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Jeremia 39:6

Mûthamaki wa Babulonia nîwaûragire avîcî a Zedekia marî Ribula, Zedekia akîonaga. Nebukadinezarû nîwacokire akîûraga atongoria onthe a Juda.

Jeremia 9:24

“Nwatî mûndû ûngîenda kwîgatha nîegathe na ûndû ûyû, atî nîambîcî na atî nie Ngai-Mûnene nîmbîkaga maûndû maro, ma kîvooto na maûndû ma ûthingu gûkû nthî. Maûndû mama nîmo mangenagia. Ûguo nîguo nie Ngai-Mûnene nîrauga.”

Ezek 13:14

Nîngoomomora viû rûthingo rûu mwavakire rangi mûcerû, nîguo mathiga ma ruo ma mûcingi matigwe marî ûtherirî. Rûthingo rûu rwagwa, nîrûkamûraga muonthe, na andû onthe nîmakaamenya atî nie, nînie Ngai-Mûnene.

Ezek 13:21

Wana nîngatembûranga itambaa cia gwîkunîkîra, na mvonokie andû akwa kuuma njararî cienyu na matigacoka gûtuîka ta nyamû cia kûguîmwa nîmue rîngî na nîmûkaamenya atî, nie nînie Ngai-Mûnene.

Ezek 13:23

Kwoguo, mue mûtigaacoka kwona cioneki icio cia maveeni rîngî kana mûragûria. Nîngaavonokia andû akwa kuuma kûrî mue, na nîmûkaamenya atî, nie nînie Ngai-Mûnene.”

Ezek 13:9

Nîngaaverithia arathi arîa monaga cioneki itarî cia ma na marathaga maûndû ma maveeni. Matikethîrwa marî a gîkundi Kîam andû akwa vîndî îrîa makagomana gûtua ciira, kana mûtaranîrue na andû a Isiraeli. Matigaatonya vûrûrirî wa Isiraeli, na nîmakaamenya atî, nie nînie Ngai-Mûnene.

Ezek 6:7

Andû makaaûragîrwa wa kûu mûrî na nîmûkaamenya atî nînie Ngai-Mûnene.

Josh 13:5

Wana vûrûri wa Gebali, Lebanoni yonthe îrîa îrî mwena wa îrathîro kuuma Baali-gadi nthî ya kîrîma Kîam Herimoni kûthiî nginya mwanyarî wa Hamathi.