Ezek 10:6 - ÎVUKU RÎA ÛVORO MWARO

⁶ Rîrîa Ngai-Mûnene aathire mûndû ûcio wekîrîte nguo mbaro athiî agîre mwaki kuuma gatagatî ka nthugû irîa ciarî rungu rwa Akerubi, aathiîre akîrûngama mwenarî wa nthugû îmwe.

Ezek 10:6 ပူးပေါင်းရင်းမြစ်များ

Thaburi 80:1

We mûrîthi wa andû a Isiraeli tûthikîrîrie, we ûtongoragia njiarwa cia Josefu ta ndîthia ya ng'ondu. We wîkaragîra gîtî gîaku Kîam ûnene îgûrû rîa akerubi, onania ûnene waku.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Ezek 10:2

Ngai-Mûnene nîwerire mûndû ûrîa wekîrîte nguo mbaro atîrî, “Thiî gatagatî ka nthugû irîa irî rungu rwa Akerubi na wîcûrie njara ciaku makara ma mwaki mau marî gatagatî ka Akerubi. Makara mau ûmanyaganie îtûûrarî rîonthe.” Na nîwathiîre nîmûroretie.

Ezek 10:5

Mûgambo ûrîa waumaga mathagurî ma Akerubi nîweguîkaga nginya kîvarorî Kîam nja. Mûrurumo wamo wagambaga ta mûgambo wa Ngai mwene Vinya wonthe.

Ezek 10:7

Kerubi ûmwe nîwatambûrûkirie njara yake akîmîvira mwakirî ûrîa warî gatagatî ka Akerubi. Nîwocire makara mamwe marî na mwaki akîmekîra njararî ya mûndû ûrîa wekîrîte nguo mbaro. Mûndû ûcio nîwocire makara mau ma mwaki na akîthiî.

Danieli 7:9

“Ndoretie wa ûguo, nînoonire itî cia ûthamaki ikigwa vandû va cio. Nake ûrîa wîthîrîtwe atûûrîte tene na tene nîwekarîre gîtî kîmwe. Nguo ciake ciacerûvîte ta îra, nacio njuîrî ciake cia kîongo ciacerûvîte ta guoya wa ng'ondu. Gîtî gîake Kîam ûthamaki Kîamrî na nthugû ciavenagia ta nînîmbî cia mwaki.