Ezek 10:2 - ÎVUKU RÎA ÛVORO MWARO

² Ngai-Mûnene nîwerire mûndû ûrîa wekîrîte nguo mbaro atîrî, “Thiî gatagatî ka nthugû irîa irî rungu rwa Akerubi na wîcûrie njara ciaku makara ma mwaki mau marî gatagatî ka Akerubi. Makara mau ûmanyaganie îtûûrarî rîonthe.” Na nîwathiîre nîmûroretie.

Ezek 10:2 ပူးပေါင်းရင်းမြစ်များ

2Atha 25:9

Nîwavîvirie hekarû, nyomba ya mûthamaki na nyomba cionthe cia Jerusalemu. Nyomba cionthe nene îtûûrarî nîciavîvirue.

Thaburi 140:10

Marogwîrwa nî makara ma mwaki; maroikua marimarî kûrîa matakaumîra rîngî.

Thaburi 18:10

Aagûrûkire na îvenya akuuîtwe nî kîûmbe kîrî mathagu, aaûkire na îvenya avurutîtwe nî rûkûngi ta ûrîa gîconi kîgûrûkaga.

Ntha 25:18

Tura akerubi aîrî a thaavu.

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Ezek 1:13

Gatagatî ga ciûmbe icio inya irî mwoyo, nîkwaumagîra kîndû gîekariî ta makara ma mwaki maarutaga ûtheri mûkengu na wamûrîkaga ûkauma mveni.

Ezek 10:16

Rîrîa Akerubi makûthiî, nthugû nîciathiîcaga irî mwena wao. Na rîrîa mambararia mathagu mao na îgûrû maûmbûke, nthugû wana cio nîciathiîcanagia vamwe nao.

Ezek 9:11

Mûndû ûrîa wekîrîte nguo mbaro, na warî na kîndû gîa kwandîka nîwacokire akîthiî akîra Ngai-Mûnene atîrî, “Nîneka wata ûrîa ûrambathîte mbîke.”

Danieli 7:9

“Ndoretie wa ûguo, nînoonire itî cia ûthamaki ikigwa vandû va cio. Nake ûrîa wîthîrîtwe atûûrîte tene na tene nîwekarîre gîtî kîmwe. Nguo ciake ciacerûvîte ta îra, nacio njuîrî ciake cia kîongo ciacerûvîte ta guoya wa ng'ondu. Gîtî gîake Kîam ûthamaki Kîamrî na nthugû ciavenagia ta nînîmbî cia mwaki.

Kûguû 8:5

Mûraika ûcio nîwacokire agîoca kavakûri agîgecûria mwaki kuuma metharî ya kîgongoona, na agîgaikia nthî. Nakuo nîkwagîre na mîrurumo ya ngwa, mîgambo, mveni, na kîthingithia.