Ezek 1:3 - ÎVUKU RÎA ÛVORO MWARO

³ nie mûthînjîri-Ngai Ezekieli mûvîcî wa Buzi nînakinyîrwe nî ndûmîrîri ya Ngai-Mûnene nîrî vûrûrirî wa Akalidei vakuvî na rûnjî rwa Kebari na ngîgua nagîa na vinya wake.

Ezek 1:3 ပူးပေါင်းရင်းမြစ်များ

1Atha 18:46

Vinya wa Ngai-Mûnene nîwatoonyire kûrî Elija; nîwacinîkîre nguo yake ndaca kîûnûrî na akîvinyûra mbere ya Ahabu nginya kîvingorî Kîam Jezireeli.

2Atha 3:15

Nwatî rîu ndetereni mûvûri wa ngita.” Rîrîa mûvûri wa ngita aainire, vinya wa Ngai-Mûnene nîwatonyire kûrî Elisha,

Thaburi 137:1

Ndeererî cia nyûnjî cia Babuloni, nîkuo twekaraga nthî tûkîrîraga, twaririkana Zayuni.

Jeremia 1:2

Ngai-Mûnene nîwaririe na Jeremia mwaka wa îkûmi na kathatû vîndî ya wathani wa Josia mûvîcî wa Amoni mûthamaki wa Juda.

Jeremia 1:4

Ndûmîrîri ya Ngai-Mûnene nîyanginyîre ngîrwa atîrî,

Jeremia 29:15

“Mue mûrauga atî, Ngai-Mûnene nîamûveu arathi vûrûrirî wa Babuloni.

Ezek 1:1

Mûthenya wa gatano mweri wa kana mwaka wa mîrongo îthatû, nie mûthînjîri-Ngai Ezekieli mûvîcî wa Buzi, twatûûraga vamwe na Ayahudi arîa maarî îthamîriorî kûu Babuloni rûtererî rwa rûnjî rwa Kebari. Nîrî kûu nînonire îtu rîavingûka na ngîona kîoneki Kîam Ngai.

Ezek 10:15

Akerubi acio nîmaaûmbûkire na mathagu. Acio nîo arîa noonire vakuvî na rûnjî rwa Kebari.

Ezek 12:13

Nîngaakûnjûra neti ta mûtego nîguo agwatue nîyo na nîngaamûvira Babuloni vûrûrirî wa Akalidei. Kûnarî ûguo ndakaawona, wana ethîrwa nîagaakuîrîra kuo.

Ezek 3:14

Nînacokire ngîambararua nî Roho na akînguua ngîthiî nîrî na ûrûrû na marakara ngororî, na Ngai-Mûnene akîmboca na vinya wake.

Ezek 3:15

Nînathiîre nginya Tela-Abibu vakuvî na rûnjî rwa Kebari kûrîa andû etû maatûûraga îthamîriorî. Nekarire kûu maarî mîthenya mûgwanja nîrî mûmaku nîûndû wa maûndû marîa noonete na ngîgua.

Ezek 3:22

Nînecûrirwe nî vinya wa Ngai-Mûnene, na ngîgua ambarîria akiuga atîrî, “Ûkîra ûthiî kûndû kûrîa kwaraganu na nîngakwarîria ûrî kûu.”

Ezek 3:23

Kwoguo nînaûkîrire na ngîthiî kûndû kûrîa kwarî kwaraganu. Nîrî kûu nînonire riiri wa Ngai-Mûnene ûrûngamîte mbere yakwa wata ûrîa noonete rûnjîrî rwa Kebari. Nînacokire ngîturumithia ûthiû wakwa nthî.

Ezek 33:22

Kîvwaî mbere ya mûndû ûcio aûka nînagîte na vinya wa Ngai-Mûnene. Kwoguo rîrîa mûndû ûcio waûrîte aûkire kîraûko Kîam mûthenya ûcio warûmîrîrîte, Ngai-Mûnene nîwamûvere ûvoti wa kwaria.

Ezek 37:1

Nînecûrirwe nî vinya wa Ngai-Mûnene na Roho wake nîwanguire na ûkîmbira vandû Kîamndarî gatagatî. Kîanda kîu gîecûrîte mavîndî.

Ezek 40:1

Kwarî mûthenya wa îkûmi wa mweri wa mbere wa mwaka wa mîrongo îîrî na îtano kuuma twavirwa îthamîriorî, na mwaka ûcio nîguo warî wa îkûmi na îna kuuma îtûûra rîa Jerusalemu rîanyitwa. Mûthenya ûcio nînecûrirwe nî vinya wa Ngai-Mûnene.

Ezek 43:3

Kîoneki gîkî gîekariî ta kîrîa nonete rîrîa Ngai aaûkîte gûcûkangia îtûûra rîa Jerusalemu, na ta kîrîa nonete rûnjîrî rwa Kebari. Nînacokire ngîîgwîthia ngîturumithia ûthiû wakwa nthî.

Ezek 8:1

Mûthenya wa gatano mwerirî wa gatandatû mwaka wa gatandatû, naarî gwakwa mûciî tûrî vamwe na athuuri a Juda. Wa rîmwe nînagîrwe nî vinya wa Ngai-Mûnene.

Danieli 10:4

Mûthenya wa mîrongo îrî na îna mweri wa mbere rîrîa naarûngamîte rûtere rwa Rûnjî rûnene rwa Tigiri,

Hosea 1:1

Ndûmîrîri ya Ngai-Mûnene nîyakinyîre Hosea mûvîcî wa Beeri vîndî îrîa Uzia, Jothamu, Ahazi na Hezekia maarî athamaki a Juda, nake Jeroboamu mûvîcî wa Joashi arî mûthamaki wa Isiraeli.

Joeli 1:1

Îno nî ndûmîrîri ya Ngai-Mûnene îrîa yaûkire kûrî Joeli mûvîcî wa Pethueli.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.

2Pet 1:21

Nîûndû gûtirî ûrathi wanaumana na wendi wa mûndû, nwatî andû managîrîra ndûmîrîri kuuma kûrî Ngai matongoretue nî Roho Mûtheru.