Esita 9:4 - ÎVUKU RÎA ÛVORO MWARO

⁴ Moridekai aarî mûndû mûnene mûno mûciî kwa mûthamaki na ngumo yake nîyatambîte matûûrarî monthe na ûvoti wake nîwongerekaga.

Esita 9:4 ပူးပေါင်းရင်းမြစ်များ

2Sam 3:1

Mbaara nîyathiîre na mbere kavinda karaca gatagatîrî ka andû arîa maarî mwena wa Saûlo na arîa maarî mwena wa Daudi. Daudi na andû ake nîmaakîrîrîrie kûgîa vinya, nwatî Saûlo na andû ake magîkîrîrîria kûthira vinya.

1Maû 11:9

Daudi nîwathiîre na mbere akîgîcaga na vinya mûno nîûndû Ngai-Mûnene mwene vinya wonthe nîwamûtethagia.

1Maû 14:17

Nayo ngumo ya Daudi nîyatambire vûrûrirî wonthe na Ngai-Mûnene agîtûma andû onthe mamwîtigîre.

Esita 10:2

Maûndû monthe marîa mûthamaki Ahasuerusi eekîte na rûgano ruonthe rwa ûrîa aanenevirie Moridekai agîkinya ngathî îrîa nene viû wathanirî wake, nîmandîke îvukuurî rîa maûndû ma tene ma athamaki a Media na Perisia.

Thaburi 1:3

Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Thaburi 18:43

Nîwamvonokirie kuuma kûrî andû arîa maareganaga nanie, na ûkîndua mûtongoria wa mavûrûri, andû ndaaicî nîmaatuîkire ndungata ciakwa.

Thaburi 92:13

Mekariî ta mîtî îvandîtwe nyombarî ya Ngai-Mûnene, îrîa îkûragîra hekarûrî ya Ngai wetû.

Ntha 11:3

Nake Ngai-Mûnene agîtûma andû a Misiri mave andû a Isiraeli gîtîîo. Anene na andû onthe a Misiri nîmoonaga Musa arî mûndû mûnene.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Zefania 3:19

Taroria, vîndî îo nîrîo ngaaverithia arîa onthe makûvinyagîrîria. Nîngaavonokia arîa onthe cionje na nyûnganie arîa onthe matetwe. Nîngaagarûra gîconoko Kîamo gîtuîke ûkumio wao, na ndûme mamenyeke nthî yonthe.

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Josh 6:27

Kwoguo Ngai-Mûnene nîwethagîrwa arî vamwe na Joshua na ngumo ya Joshua nîyatambire kûndû kuonthe vûrûrirî.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.