Esita 9:25 - ÎVUKU RÎA ÛVORO MWARO

²⁵ Nwatî Esita nîwathiîre kûrî mûthamaki, na mûthamaki akîandîkithia watho wa kuga atî mûvango mûcûku ûrîa Hamani aavangîte wîkwe Ayahudi acokererwe nîguo. Maarûa ino nîcio ciatûmire Hamani acokererwa nîguo. Ke na avîcî ake îkûmi nîmaacurirue mûtîrî.

Esita 9:25 ပူးပေါင်းရင်းမြစ်များ

1Atha 8:32

We Ngai-Mûnene nakûthaitha ûkaathikîrîria na ûgaatuithania ndungata ciaku ûrî kûu îgûrû. Ûkaaverithia mûndû ûrîa mwîvia wata ûrîa kwagîrîrîte, nake mûndû ûrîa mûthingu ûgaatûma agîe na maûndû maringanîte na ûthingu wake.

Esita 3:6

Na rîrîa aamenyire atî Moridekai aarî Mûyahudi, nîwavangire kûmûraga vamwe na andû a mûciî wake na Ayahudi onthe arîa maarî vûrûrirî wonthe ûrîa wathagwa nî mûthamaki Ahasuerusi.

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Esita 7:4

Andû akwa nî endie nîguo maûragwe mathirue. Kethîrwa nîkwa makwendua tûtuîke ngombo nie ndingîrî gûkûthînia we mûthamaki, nwatî rîu nîkwa tûrenda kûragwa tûthire viû.”

Esita 7:5

Mûthamaki Ahasuerusi nîwaûririe Esita atîrî, “Nû wîcirîtie gwîka gîîko Kîam mûthemba ta ûcio? Mûndû ûcio arî kû?”

Thaburi 140:8

We Ngai-Mûnene, ndûkave arîa aganu kîrîa meriragîria, ndûgatûme mîvango yao mîcûku îvinga.

Thaburi 140:9

Ndûkareke nthû ciakwa ivootana, ciugo ciao njûku iromacokerera.

Thaburi 141:10

Imaramari ironyitwa nî mîtego yacio cio mene, nanie nîîthiîre na thayû.

Thaburi 7:16

Macokagwa nî maûndû mao marîa macûku, na makaverithua nî waganu wao o ene.

Thaburi 7:17

Nî ngaacokeria Ngai-Mûnene ngatho nîûndû wa ûthingu wake, na nîngaaina ngumie rîîtwa rîa Ngai-Mûnene, ûrîa ûrî Îgûrû Mûno.

Thaburi 94:23

Ngai nîakaaverithia andû nîûndû wa mavîtia mao, nîakaamathiria nîûndû wa waganu wao; Ngai-Mûnene, Ngai wetû nîakaamacûkangia viû.

Nthi 26:27

Mûndû ûrîa wînjagîra ûrîa wîngî îrima nîke ûgûcaga kuo, na mûndû ûrîa ûvingiritagia îthiga nîke ûtombooragwa nîrîo.

Nthi 5:22

Mevia ma mûndû ûrîa mwaganu mamûnyitaga ta mûtego, na anyitagwa nîguo wa akîvagia.

Isaia 22:25

Ngai-Mûnene mwene vinya wonthe augîte atîrî, ‘Rîrîa mûthenya ûcio ûgaakinya, mûcumarî ûrîa wamundîrîrîtwe vandû na kinyi nîûkagûka. Nîûkagûka na ûgwe nthî, naguo mûrigo ûrîa wenyitîrîrîte mûcumarîrî ûcio nîûkaagwa. Nie, Ngai-Mûnene nînie nauga ûguo.’ ”

Obadia 1:15

“Kavinda ka Ngai-Mûnene karî vakuvî ga gûtuîra mavûrûri monthe ciira. Ûrîa mwekire, nwaguo wanamue mûgekwa, mûkarîvwa kûringana na ciîko cienyu.

Mathaayo 21:44

Na mûndû ûrîa ûkaagwîra îthiga rîu nîakaaunîkanga, na rîngîkaagûîra mûndû nîrîkaamûmindiûra atuîke rûkûngû.]”

1Sam 25:39

Rîrîa Daudi eegwire atî Nabali aarî mûkuû, ke nîwaugire atîrî, “Ngai-Mûnene arogoocwa wa ke ûrîa ûndîvîrîrîtie kûrî Nabali nîûndû wa ûûru wake. Nîangirîtie nie ndungata yake ndigeke ûndû mûcûku” Daudi nîwacokire agîtûma andû mathiî makeere Abigaeli atî nîakwenda kûmûvikia.