Esita 9:20 - ÎVUKU RÎA ÛVORO MWARO

²⁰ Moridekai nîwandîkire maûndû mama na akîmatûmîra Ayahudi onthe arîa maarî vakuvî na arîa maarî kûraca icunjîrî cionthe kûrîa kwathagwa nî mûthamaki Ahasuerusi.

Esita 9:20 ပူးပေါင်းရင်းမြစ်များ

1Maû 16:12

Ririkanani maûndû ma magegania marîa ekîte, na ûvoro wake wa gûtucanîra ciira.

Esita 1:1

Ahasuerusi aarî mûthamaki wa vûrûri ûrîa waumîte India nginya Ethiopia îvinda rîa mîaka îgana rîa mîrongo îîrî na mûgwanja (127).

Esita 1:22

Mûthamaki nîwatûmire maarûa icunjîrî cionthe irîa aathanaga mandîkîtwe na rûthiomi na mwandîkîre ûrîa wereekaga gîcunjîrî Kîam vûrûri na akiuga atî mûndûmûrûme wa wonthe nîke ûkaathanaga gwake mûciî na gûtirî mûndû ûkamûkararagia.

Esita 3:12

Kwoguo mûthenya wa îkûmi na îthatû wa mweri wa mbere, Hamani nîwetire tûrani tuonthe twa mûthamaki na akîmera mandîke maarûa na nthiomi na mîandîkîre ya andû onthe vûrûrirî ûcio. Nîwaugire ivirîrwe arîrîria a vûrûri arîa anene, arîa anini, na andû arîa onthe mathanaga mavûrûrirî. Maarûa icio ciandîkîtwe vandûrî va mûthamaki Ahasuerusi na akîvûrwa mûvûri na gîcûvî gîake.

Esita 8:9

Maûndû mama mekîkire mûthenya wa mîrongo îîrî na ithatû mweri wa kathatû ûrîa wîtagwa Sivani. Moridekai nîwetire tûrani twa mûthamaki tuonthe na agîtwatha twandîke maarûa kûrî Ayahudi, arîrîria a thirikari, atongoria, na anene onthe a mavûrûri îgana rîa mîrongo îîrî na mûgwanja (127) kuuma India kûthiî Ethiopia. Maarûa nîciandîkirwe kûrî icunjî cionthe na nthiomi ciacio na mîandîkîre yao na igîcoka ikiandîkwa kûrî Ayahudi.

Esita 9:19

Kîu nîkîo gîtûmaga Ayahudi arîa matûûraga na kûu icagirî makenerera mûthenya wa îkûmi na kana wa mweri wa Adari ta mûthenya wa gîkeno na wa kûvurûka. Mûthenya ûyû nîwa kûrîa na wa kûvecana iveo cia mûthemba wa irio kûrî mûndû na ûrîa wîngî.

Esita 9:21

Aamamenyithagia nîguo makûngûagîre mûthenya wa îkûmi na kana mweri wa Adari, mwaka wa mwaka.

Esita 9:26

Kîu nîkîo gîatûmire kîrugo gîkî gîtwe Purimu, kuumana na kiugo Puri, kîrîa kiugaga gwikia mîtî. Nîûndû wa maûndû mama monthe mekîkire,

Esita 9:27

Ayahudi nîmaavîtûkirie ûndû ûyû ûrî watho kûrî o, njiarwa ciao na arîa onthe magatuîka Ayahudi atî mwaka wa mwaka kavinda karîa kagîrîrîte, mîthenya îo îîrî îkûngûagîrwe kûringana na watho wa Moridekai.

Esita 9:29

Kwini Esita mwarî wa Abihaili na Moridekai ûrîa Mûyahudi nîmaandîkire maarûa ya kaîrî îrî ya gwîtîkîra maarûa îrîa yandîkirwe mbere nî Moridekai îgiî Purimu.

Ntha 17:14

Nake Ngai-Mûnene nîwacokire akîra Musa atîrî, “Andîka ûvoro wîgiî ûvootani ûyû nîguo ûtuîke wa kûririkanagwa. Na wîre Joshua atî nîngûthiria Amaleki viû na ndûme mariganîre gûkû nthî.”

Jeremia 29:1

Îno nîo maarûa îrîa mûrathi Jeremia aatûmîre atongoria, athînjîri-Ngai, arathi na andû arîa Nebukadinezarû aavirîte îthamîriorî Babulonia kuuma Jerusalemu.