Esita 9:19 - ÎVUKU RÎA ÛVORO MWARO

¹⁹ Kîu nîkîo gîtûmaga Ayahudi arîa matûûraga na kûu icagirî makenerera mûthenya wa îkûmi na kana wa mweri wa Adari ta mûthenya wa gîkeno na wa kûvurûka. Mûthenya ûyû nîwa kûrîa na wa kûvecana iveo cia mûthemba wa irio kûrî mûndû na ûrîa wîngî.

Esita 9:19 ပူးပေါင်းရင်းမြစ်များ

Esita 8:17

Matûûrarî monthe kûrîa ndûmîrîri ya mûthamaki yathomirwe Ayahudi nîmagîre na kîrugo gîa gûkûngûîra na gûkenerera. Andû engî eengî a vûrûri ûcio nîmetuire Ayahudi, nîûndû nîmetigagîra Ayahudi.

Esita 9:20

Moridekai nîwandîkire maûndû mama na akîmatûmîra Ayahudi onthe arîa maarî vakuvî na arîa maarî kûraca icunjîrî cionthe kûrîa kwathagwa nî mûthamaki Ahasuerusi.

Esita 9:22

Mîthenya îno nî îrîa Ayahudi maavootire nthû ciao. Kûrî Ayahudi mûthenya ûyû wagarûrûkîte ûgatuîka wa gûkûngûîra, îthenya rîa kîeva na gûcakaya. Nîmerirwe maririkanage mîthenya îno na kîrugo gîa kûrîa makenete, makîvecanaga iveo cia mîthemba ya irio kûrî mûndû na ûrîa wîngî wana kûva athîni.

Zakaria 2:4

na akîmwîra atîrî, “Vinyûra ûthiî wîre mwanake ûrîa ûrî na rûrigi rwa kûthima atî ‘Îtûûra rîa Jerusalemu nîrîtuîka îtûûra rîtarî ririgîre na rûthingo nîûndû rîkethagîrwa na andû eengî mûno na nyamû nyîngî mûno cia kûrîthua.

Luka 11:41

Vandû va gwîka ûguo, vecagani athîni ûtethio na indo cionthe cienyu nî igûtuîka ntheru.

Gûco 15:7

“Kûngîthîrwa kûrî mûndû wenyu mûthîni îtûûrarî wanarî rîmwe vûrûrirî ûrîa Ngai-Mûnene Ngai wenyu akûmûva, mûtikathunie njara na mûrege kûmûtethia.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Gûco 16:14

Kûngûagîrani kîrugo kîu mûkenete mûrî na ciana cienyu, ndungata cienyu, Alawi, ageni, ciana cia ndigwa, na aka a ndigwa arîa matûûraga matûûrarî menyu.

Gûco 3:5

Matûûra mama monthe mairigîtwe na nthingo ndaca na igekîrwa ivingo, igacoka ikavingwa na cuuma. Kwarî na icagi nyîngî itaarî mbirigîre na nthingo.

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.

1Sam 25:8

Ta ûria anake aku na nîmagûkwîra. Twaûka mûthenya wa gîkeno na tûrakûthaitha ûtwamûkîre na ûtûve tue ndungata ciaku na mûrataguo Daudi wa kîrîa kîonthe wî nakîo.”