Esita 9:16 - ÎVUKU RÎA ÛVORO MWARO

¹⁶ Ayahudi arîa maarî icunjîrî icio ciîngî nîmeevangire makîgitîra. Nîmevonokirie kuuma kûrî arîa nthû ciao na makîûraga andû ngiri mîrongo mûgwanja na atano (75,000) arîa maamamenete. Nwatî matiatava kîndû wanarî kîmwe.

Esita 9:16 ပူးပေါင်းရင်းမြစ်များ

Kîam 34:27

Vuva wa kûragana, avîcî acio engî a Jakovu nîmaathiîre kûu kwaûraganîtwe na magîtava indo îtûûrarî rîu nîguo merîvîrîrie maûndû ma gîconoko marîa mwarwang'ina eekîtwe.

Esita 8:11

Maarûa icio ciataaragîria atî mûthamaki nîagwîtîkîria Ayahudi arîa maarî matûûrarî monthe matûngane mavange ûrîa makwîgitîra. Maarî na rûtha rwa kûraga na gûcûkangia viû athigari kuuma vûrûri wa wonthe arîa mangîamatharîkîre, ciana ciao kana aka, na gwoca indo ciao.

Esita 9:2

Ayahudi nîmaagomanire matûûrarî monthe ma icunjî cia vûrûri ûrîa wathagwa nî mûthamaki Ahasuerusi na nîmeevarîrie kûtharîkîra mûndû wa wonthe ûngîageragia kûmeka ûndû mûcûku. Andû onthe nîmaametigagîra kwoguo gûtirî mûndû ûngîametirîrie.

Thaburi 149:7

Nîguo merîvîrîrie kûrî andû a mavûrûri, na maverithie andû arîa mataicî Ngai.

Thaburi 37:15

Mviû ciao nîcio ikaamaûraga o ene, na mota mao maunangwe.