Esita 9:13 - ÎVUKU RÎA ÛVORO MWARO

¹³ Nake Esita nîwacokirie atîrî, “Ethîrwa nî kwenda gwaku mûthamaki, tiga Ayahudi arîa marî Susa mageka rûciû ûrîa maretîkîrîtue meke, na macoke macurie mîîrî ya avîcî a Hamani mûtîrî îgûrû.”

Esita 9:13 ပူးပေါင်းရင်းမြစ်များ

2Sam 21:6

Kwoguo tûnengere arîû mûgwanja ake nîguo tûmacurie mbere ya Ngai-Mûnene kûu Gibea, îtûûra rîa Saûlo. Saûlo nîke mûthamaki ûrîa wathuurîtwe nî Ngai-Mûnene.” Mûthamaki nîwamacokerie atîrî, “Nîngûmûnengera o.”

2Sam 21:9

Daudi nîwamanenganîre kûrî andû a Gibeoni, nao makîmacuria vandû kîrîmarî îgûrû mbere ya Ngai-Mûnene. Andû acio onthe mûgwanja nîmaakwire vîndî îmwe. Maaûragirwe vîndî ya maketha rîrîa cairi yambagîrîria gûkethwa.

Esita 8:11

Maarûa icio ciataaragîria atî mûthamaki nîagwîtîkîria Ayahudi arîa maarî matûûrarî monthe matûngane mavange ûrîa makwîgitîra. Maarî na rûtha rwa kûraga na gûcûkangia viû athigari kuuma vûrûri wa wonthe arîa mangîamatharîkîre, ciana ciao kana aka, na gwoca indo ciao.

Esita 9:14

Kwoguo mûthamaki nîwathanire maûndû mau mekwe. Watho nîwavecanirwe Susa, na avîcî îkûmi a Hamani maûragwe.

Esita 9:15

Mûthenya wa îkûmi na kana wa mweri wa Adari, Ayahudi arîa maarî Susa nîmaagomanire rîngî na makîûraga andû magana mathatû îtûûrarî rîu. Nwatî gûtirî kîndû wanarî kîmwe maatavire.

Agal 3:13

Nwatî Kristû nîwatuîkire kîrumi nîûndû wetû nîguo atûkûûre kuuma kûrî kîrumi kîrîa kîretagwa nî watho. Nîûndû Mandîko matheru maugîte atîrî “Mûndû wa wonthe mwambe mûtharavarî nî mûrume nî Ngai.”

Gûco 21:23

kimba gîake gîtikarare mûtîrî. Nwatî mûgaakîthika mûthenya wa ûcio nîguo gîtikagwatie vûrûri ûrîa mûkûvewa nî Ngai-Mûnene Ngai wenyu mûgiro; nîûndû mûndû arî mûcurie mûtîrî ethagîrwa arî mûrume nî Ngai.