Esita 8:9 - ÎVUKU RÎA ÛVORO MWARO

⁹ Maûndû mama mekîkire mûthenya wa mîrongo îîrî na ithatû mweri wa kathatû ûrîa wîtagwa Sivani. Moridekai nîwetire tûrani twa mûthamaki tuonthe na agîtwatha twandîke maarûa kûrî Ayahudi, arîrîria a thirikari, atongoria, na anene onthe a mavûrûri îgana rîa mîrongo îîrî na mûgwanja (127) kuuma India kûthiî Ethiopia. Maarûa nîciandîkirwe kûrî icunjî cionthe na nthiomi ciacio na mîandîkîre yao na igîcoka ikiandîkwa kûrî Ayahudi.

Esita 8:9 ပူးပေါင်းရင်းမြစ်များ

2Atha 18:26

Eliakimu, Shebuna, na Joa nîmaacokire makîra Rabushake atîrî, “Twakûthaitha warie natue na rûthiomi rwa Suriata, na nîtûkûrwîgua. Tiga gûtwarîria na rûthiomi rwa Kîhibirania nîûndû wana nthingo irî matû.”

2Maû 15:10

Maagomanire Jerusalemu mweri wa kathatû mwaka wa îkûmi na îtano kuuma Asa aatuîka mûthamaki.

Esita 1:1

Ahasuerusi aarî mûthamaki wa vûrûri ûrîa waumîte India nginya Ethiopia îvinda rîa mîaka îgana rîa mîrongo îîrî na mûgwanja (127).

Esita 1:22

Mûthamaki nîwatûmire maarûa icunjîrî cionthe irîa aathanaga mandîkîtwe na rûthiomi na mwandîkîre ûrîa wereekaga gîcunjîrî Kîam vûrûri na akiuga atî mûndûmûrûme wa wonthe nîke ûkaathanaga gwake mûciî na gûtirî mûndû ûkamûkararagia.

Esita 10:1

Mûthamaki Ahasuerusi nîwathanire andû onthe a vûrûri wake na arîa matûûraga rûtere rwa îria marîve gooti.

Danieli 4:1

Mûthamaki Nebukadinezarû nîwatûmire ndûmîrîri îno kûrî andû a iruka cionthe, mavûrûri monthe na andû a nthiomi cionthe arîa matûûraga nthî yonthe akîmeera atîrî, “Mûrogîa na thayû!

Danieli 6:1

Dario nîwonire wagîrîru wa kûthuura anene îgana rîmwe rîa mîrongo îîrî a thirikari nîguo marûngamagîrîre kûrîa kuonthe aathanaga.

Danieli 6:25

Nake mûthamaki Dario nîwandîkîîre andû a mavûrûri monthe, iruka, na andû a nthiomi cionthe arîa maatûûraga nthî yonthe akîmeera atîrî, “Mûrorathimwa!