Esita 8:3 - ÎVUKU RÎA ÛVORO MWARO

³ Esita nîwacokire akîarîria mûthamaki rîngî, nîwegwîthirie nthî magûrûrî make akîrîraga. Nîwamûthaithire arûngamie mûvango mûcûku ûrîa warûthîtwe nî Hamani wa gûcûkangia Ayahudi.

Esita 8:3 ပူးပေါင်းရင်းမြစ်များ

2Atha 4:27

Nwatî rîrîa mûndûmûka ûcio aakinyire kûrî Elisha vau kîrîmarî, nîwanyitire magûrû ma Elisha. Nake Gehazi nîwathiîre vakuvî nîguo amûthengutie vo, nwatî Elisha nîwamwîrire atîrî, “Tigana nake, nîûndû arî na ûndû ûramûthînia mûno ngororî; na Ngai-Mûnene nîanthithîte ûndû ûcio, akarega kûmbîra.”

Esita 3:1

Vuva wa maûndû mau, mûthamaki Ahasuerusi nîwanenevirie Hamani mûvîcî wa Hamedatha, wa rûciaro rwa Agagi akîmûtua mûnene wa atongoria onthe a thirikari.

Esita 7:4

Andû akwa nî endie nîguo maûragwe mathirue. Kethîrwa nîkwa makwendua tûtuîke ngombo nie ndingîrî gûkûthînia we mûthamaki, nwatî rîu nîkwa tûrenda kûragwa tûthire viû.”

Esita 8:2

Mûthamaki nîwavere Moridekai mbete îrîa yarî na mûvûûri wake. Mbete îo nî îrîa yarutîtwe Hamani. Esita nîwatuire Moridekai mûrûngamîrîri wa indo cia Hamani.

Esita 8:4

Mûthamaki nîwatambûrûkîrie Esita mûragi wa thaavu, nake Esita nîwarûngamire na akiuga atîrî,

Isaia 38:2

Hezekia nîwacokire akîvûgûka akîroria rûthingo na akîvoya Ngai-Mûnene,

Hosea 12:4

Nîwagianire na mûraika na akîmûvoota, nîwamûkaîre na akîmûthaitha amûrathime. Arî Betheli nîwacemanirie na Ngai, na arî kûu Ngai nîwaranîrie nake.

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.

1Sam 25:24

nîwaturumithirie ûthiû wake nthî akîmwîra atîrî, “Nîrakûthaitha mwathi wakwa, ûnthikîrîrie! Tiga ûûru ûcio ûnjokerere.