Esita 8:16 - ÎVUKU RÎA ÛVORO MWARO

¹⁶ Ayahudi nîmegucaga macanjamûkîte na marî na ûvootani.

Esita 8:16 ပူးပေါင်းရင်းမြစ်များ

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Esita 9:17

Mûthenya ûcio warî wa îkûmi na kathatû wa mweri wa Adari. Mûthenya ûcio wîngî wa îkûmi na kana Ayahudi nîmaavurûkire na magîûtua mûthenya wa kîrugo na gîkeno.

Thaburi 112:4

Andû arîa aro, atugi, marî ntha na athingu, nîmaragîrwa nî ûtheri ndumarî.

Thaburi 118:27

Ngai-Mûnene nî Ngai; nîatûvete ûtheri wake. Nyitani mathîgî na njara mûthiî kîrugorî mûrûmanîrîrîte, mûthiûrûrûke metha ya kîgongoona!

Thaburi 18:28

We Ngai-Mûnene, nîûmbakanagîria taa, na ûkanthengutîria nduma.

Thaburi 30:12

Kwoguo nie ndigaakira, ngaakwinagîra rwîmbo rwa gûgûkumia. We Ngai-Mûnene, Ngai wakwa, nîndûûra ngûcokagîria ngatho tene na tene.

Thaburi 97:11

Ûtheri ûtheragîra mûndû ûrîa mûthingu, na nîûretage gîkeno kûrî arîa atheru ngoro.

Nthi 11:10

Rîrîa andû arîa athingu matûûrîte waro nî kûgîcaga na gîkeno îtûûrarî, na rîrîa andû arîa aganu mathira îtûûrarî, nî riugagîrîria rîkenete.

Nthi 28:12

Rîrîa andû arîa athingu matuîka athani, andû nîmakûngûagîra, nwatî andû arîa aganu matuîka athani, andû nîmaûraga nî o.

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.