Esita 8:14 - ÎVUKU RÎA ÛVORO MWARO

¹⁴ Mûthamaki nîwathanire mathiî mekarîrîte mbarathi cia kwa mûthamaki na ivinyûre mûno. Ndûmîrîri îo nîyakinyire Susa, îtûûrarî rîrîa rînene.

Esita 8:14 ပူးပေါင်းရင်းမြစ်များ

1Atha 4:28

Wana nîmaaviraga gîcunjî gîa cairi na irio cia mbarathi cia ikaari cia mbaara na cia mbarathi irîa ciîngî wa kûrîa ciavataranagia.

2Maû 30:6

Kwoguo anjaama nîmaathiîre Isiraeli na Juda kuonthe marî na maarûa kuuma kûrî mûthamaki na anene ake. Maarûa icio ciandîkîtwe atîrî, “Mue andû a Isiraeli ûkani kûrî Ngai-Mûnene, Ngai wa Iburahimu, Isaka na Jakovu. Nake Ngai nîagûka kûrî mue, arîa mwatigarire vîndî îrîa mwatharîkîrwe nî athamaki a Asîria.

Nehemia 1:1

Ûyû nîguo mûtaratara wa maûndû marîa Nehemia, mûvîcî wa Hakalia eekire. Aritashasike aarî mûthamaki wa Perisia. Mweri wa Kisilevu mwaka wa mîrongo îîrî kuuma atuîka mûthamaki, nie Nehemia, naarî Susa îtûûra rîrîa rînene.

Esita 1:2

Ahasuerusi aathanaga arî îtûûrarî rîa Susa.

Esita 2:3

Nawe mûthamaki wetû, thuura anene mavûrûrirî monthe na ûmatue a gûcaria erîtu arîa athaka mûno na maretwe nyombarî ya mûthamaki gûkû Susa. Nîmaigwe nyombarî îrîa îkaraga aka, na mekarague nî Hegai ûrîa ngaramba na mûmenyereri wa aka a mûthamaki, macoke mavewe maguta megemie.

Esita 3:13

Namo maarûa mau nîmavirirwe mavûrûrirî monthe marîa maathanagwa nî mûthamaki ûcio na mandîkîtwe atî Ayahudi onthe, ciana, athuuri, aka na anake maûragwe. Nao nîmakaûragwa matakwîguîrwa ntha na indo ciao cionthe ciocwe.

Esita 3:14

Ndûmîrîri îrîa yarî maarûarî îo nîyavirirwe mavûrûrirî monthe, nîguo andû onthe mevarîrie nîûndû wa mûthenya ûcio.

Esita 3:15

Watho ûcio wavecanirwe kûu Susa kwa mûthamaki, nake mûthamaki Ahasuerusi na Hamani nîmekarire nthî na makînyua ndivei, nao andû onthe arîa maarî îtûûrarî rîa Susa nîmaamakire mûno.

Esita 8:13

Maûndû mama mandîkirwe na magîtuwa watho na magîtambua icunjîrî cionthe kûu vûrûrirî, nîguo Ayahudi mevarîrie kwîrîvîrîria kûrî nthû mûthenya ûcio wakinya.

Esita 8:15

Moridekai nîwaumire mûciî kwa mûthamaki ekîrîte nguo cia ûthamaki cia rangi wa vururu na îno njerû, na ekîrîte nthûmbî mbaro ya thaavu. Andû onthe a Susa nîmaumîrire varavararî makiugagîrîria macanjamûkîte.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Danieli 8:2

Na njîra ya kîoneki kîu nîneyonire nîrî Susa, îtûûra rînene rîa vûrûri wa Elamu. Noonire nûngamîte rûtere rwa Rûnjî rwa Ulai.

1Sam 21:8

Daudi nîwerire Ahimeleku atîrî, “Wîna îtumû kana rûviû ûngîmva? Ndinavota gûka na rûviû rwakwa kana indo ciakwa cia mbaara, nîûndû ûndû ûrîa arambathire ngeke nîûratûmire nyume na îvenya.”