Esita 8:11 - ÎVUKU RÎA ÛVORO MWARO

¹¹ Maarûa icio ciataaragîria atî mûthamaki nîagwîtîkîria Ayahudi arîa maarî matûûrarî monthe matûngane mavange ûrîa makwîgitîra. Maarî na rûtha rwa kûraga na gûcûkangia viû athigari kuuma vûrûri wa wonthe arîa mangîamatharîkîre, ciana ciao kana aka, na gwoca indo ciao.

Esita 8:11 ပူးပေါင်းရင်းမြစ်များ

Esita 3:13

Namo maarûa mau nîmavirirwe mavûrûrirî monthe marîa maathanagwa nî mûthamaki ûcio na mandîkîtwe atî Ayahudi onthe, ciana, athuuri, aka na anake maûragwe. Nao nîmakaûragwa matakwîguîrwa ntha na indo ciao cionthe ciocwe.

Esita 9:18

Ayahudi arîa maarî Susa nîmaatuire mûthenya wa îkûmi na gatano wa kîrugo na gûkena nîûndû nîmaûragîte nthû ciao mûthenya wa îkûmi na kathatû na îkûmi na kana.

Thaburi 137:8

We mwarî wa Babuloni, nîûgaacûkangua! Gûkena nî mûndû ûrîa ûgaagwîka wata ûguo ûtwîkîte.

Thaburi 68:3

Nwatî andû arîa athingu nîmakenaga marî mbere ya Ngai; macanjamûkaga na makaina marî na gîkeno.

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Ezek 39:10

Matikaathiî kuna ngû mîgûndarî kana mathiî magaiteme mûtitûrî, nîûndû makaavûthagîra indo cia mbaara ta ngû. Nîmagaatava indo cia andû arîa maamatavîte, na makuue indo cia andû arîa maamacunîte indo ciao. Ûguo nîguo nie Mwathani Ngai-Mûnene mbugîte.”