Esita 7:3 - ÎVUKU RÎA ÛVORO MWARO

³ Esita mûka wa mûthamaki nîwaugire atîrî, “Ethîrwa nî kwenda gwaku we mûthamaki Ahasuerusi na nîûrona kwagîrîrîte we mûthamaki Ahasuerusi, wendi wakwa nî atî nie na andû akwa tûtûûre mwoyo.

Esita 7:3 ပူးပေါင်းရင်းမြစ်များ

1Atha 20:31

Ndungata ciake nîciamwîrire atîrî, “Nîtwîguîte atî athamaki a Isiraeli marî ntha. Twîtîkîrie twîrigice nguo cia macakaya ciûnorî cietû na twîrigice mîkanda ngingorî cietû tûthiî kûrî mûthamaki wa Isiraeli, avota kûrega gûkûûraga.”

2Atha 1:13

Wa rîngî mûthamaki nîwatûmire mûnene wa kathatû wa athigari mîrongo îtano na athigari ake. Mûnene ûcio nîwaunûkirie kîrîmarî akîthiî kûrî Elija, agîturia maru mbere yake na akîmûthaitha akîmwîra atîrî, “Mûndû wa Ngai, nakûthaitha ûmbîguîre ntha vamwe na athigari akwa na ndûgatûûrage!

Esita 4:8

Moridekai nîwavere Esita maarûa îrîa yarî na ndûmîrîri îrîa mûthamaki aatûmîte Susa, îrîa yaugaga Ayahudi onthe maûragwe. Moridekai nîwerire Hathaki avirîre Esita ndûmîrîri îo, amûtarîrie na amûrie athiî kûrî mûthamaki amûthaithe etîkîre kwîguîra andû ake ntha.

Esita 5:8

Ethîrwa nîngwîtîkîrîka nîwe we mûthamaki wakwa, na ethîrwa nîwonete kwagîrîrîte ûvingie îvoya rîakwa, nîrenda we mûthamaki vamwe na Hamani mûkethîrwa mûrî îrugarî rîakwa rûyû rîrîa ngaavarîria nîûndû wenyu. Vîndî îo nîrîo ngaamwîra kîrîa nîrenda.”

Esita 7:7

Mûthamaki nîwaûkîrire akiuma kîrugorî kîu arî na marakara mûno na akîthiî na kûu mûgûndarî wa nyomba îo ya mûthamaki. Hamani nîwonire atî mûthamaki aarî mwîvarîriu kûmûverithia kwoguo nîwatigirwe akîthaithaga kwini Esita nîguo ndakaûragwe.

Esita 8:5

“Ethîrwa nî kwenda gwaku we mûthamaki na ethîrwa nîûranîciria na ûkona arî waro, nakûthaitha mûthamaki ûrute watho wa gûcûkangia mîvango îrîa Hamani augîte îvingue. Mîvango îo nî îrîa mûvîcî wa Hamedatha wa rûciaro rwa Agagi aavecanire ya kûraga Ayahudi onthe arîa marî vûrûrirî ûrîa wathaga.

Ayubu 2:4

Nake Caitani nîwacokerie Ngai-Mûnene atîrî, “Gîkonde Kîam mwîrî gîkûûragwa na kîngî! Mûndû avecanaga kîrîa kîonthe arî nakîo nîguo avonokie mwoyo wake.

Jeremia 38:26

nawe ûgacoka ûmeere atî, ‘Nîkwa nîrathaithaga mûthamaki na njîra ya wînyivia mwîngî atî ndigacokue nyomba kwa Jonathani nîguo ndigakuîre kuo.’ ”