Esita 6:6 - ÎVUKU RÎA ÛVORO MWARO

⁶ Kwoguo Hamani nîwatonyire nake mûthamaki akîmwîra atîrî, “Kûrî na mûndû nîrenda kûva gîtîîo mûno, mûndû ûcio nînîmwîka atîa?” Hamani nîweyûririe atîrî, “Nî mûndû ûrîkû mûthamaki angîva gîtîîo tiga nie?”

Esita 6:6 ပူးပေါင်းရင်းမြစ်များ

Esita 1:15

Mûthamaki nîwerire andû aya atîrî, “Nie mûthamaki Ahasuerusi, nînathire ngaramba ciakwa igîre Vashiti, nwatî akîrega kûmbathîkîra! Watho ugîte mûndûmûka ûyû agîrîrwe nî gwîkwa atîa?”

Esita 5:11

Hamani nîwamataarîrie arî na mwîtîîo ûvoro wa ûtonga wake, mwîgana wa ciana ciake wana ûrîa aaveetwe ngathî nene nî mûthamaki kûrî anene arîa engî wana gûkîra ndungata cia mûthamaki.

Esita 6:11

Kwoguo Hamani nîwocire nguo icio na mbarathi îo na akîthiî agîciîkîra Moridekai. Moridekai nîwatûîre mbarathi îo na Hamani akîmûtongoreria makîthiûrûrûka îtûûrarî rîu akiugagîrîria kûrî andû atîrî, “Ûguo nîguo mûthamaki ekaga mûndû ûrîa endaga kûva gîtîîo.”

Esita 6:5

Kwoguo ndungata cia mûthamaki nîciamûcokerie atîrî, “Nî Hamani wî ava na nîarenda gûkwona.” Nake mûthamaki nîwaugire atîrî, “Mwîreni atonye.”

Esita 6:7

Hamani nîwerire mûthamaki atîrî, “Mûndû ûcio mûthamaki akwenda kûva gîtîîo,

Esita 6:9

Mûndû ûcio nîekîrwe nguo icio nî mûndû ûrîa mûtîîe mûno vûrûrirî na amûthiûrûrûkie îtûûrarî ekarîrîte mbarathi akiugagîrîria atîrî, ‘Ûguo nîguo mûthamaki ekaga mûndû ûrîa atîîte!’ ”

Thaburi 35:27

Tiga arîa mendaga kwona ngîtuîrwa, atî ndirî na mavîtia maugîrîrie na gîkeno na mauge rîngî na rîngî atîrî, “Kaî Ngai-Mûnene nî mûnene-î! Nîakenetue nî ûvootani wa ndungata yake.”

Nthi 1:32

Nîûndû irimû ikucaga ciarega kûthikîrîria ûtaaro, na andû arîa aritu mathiragua nî ûrimû wao.

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Nthi 18:12

Mwîtîîo wa ngoro nîûcûkangagia mûndû, nwatî wînyivia nîûtûmaga mûndû avewe gîtîîo.

Nthi 30:13

Kûrî andû meyonaga marî aro mûno, na kaî nîmeyonaga marî aro î!

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Jeremia 32:41

Nîngakena ngîmeka maûndû maro, na ndûme mekindîrie vûrûrirî ûyû.”

Obadia 1:3

Mwîtîîo wa ngoro yaku nîûkûveenetie, îtûûra rîaku ririgîtwe na rûthingo rwa îthiga rîa vinya; mûciî waku ûrî kîrîmarî îgûrû na wîîraga atîrî, ‘Nî ûrîkû ûngîvota kûûgwîthia nthî?’

Mathaayo 3:17

Naguo mûgambo nîwaumire îgûrû ûkiugaga atîrî, “Ûyû nîke Mûriû wakwa ûrîa mendete, na nîrîmûkenie mûno nîke.”

Luka 14:9

nake mûndû ûrîa ûmwîtîrîte kîrugo mûrî muoîrî aûke akwîre atîrî, ‘Nengera mûndû ûyû gîtî kîu wîkarîrîte.’ We nwa ûconoke mûno ûkîthiî gwîkarîra itî irîa cigîtwe vuva viû.

Johana 5:23

nîguo andû onthe matîîage Mûriû wata ûrîa matîîaga Îthe. Mûndû wa wonthe ûtatîîaga Mûriû, ndatîîaga Îthe ûrîa wamûtûmire.