Esita 6:11 - ÎVUKU RÎA ÛVORO MWARO

¹¹ Kwoguo Hamani nîwocire nguo icio na mbarathi îo na akîthiî agîciîkîra Moridekai. Moridekai nîwatûîre mbarathi îo na Hamani akîmûtongoreria makîthiûrûrûka îtûûrarî rîu akiugagîrîria kûrî andû atîrî, “Ûguo nîguo mûthamaki ekaga mûndû ûrîa endaga kûva gîtîîo.”

Esita 6:11 ပူးပေါင်းရင်းမြစ်များ

Ezira 6:13

Tatenai mûnene wa vûrûri wa Juda, Shetharu Bozenai, na anene acio engî nîmeekire kûringana na ûrîa mûthamaki Dario aathanire.

Esita 6:10

Nake mûthamaki nîwerire Hamani atîrî, “Thiî narua woce nguo icio na mbarathi îo na ûve Moridekai ûrîa Mûyahudi gîtîîo kîu. Mûmwîke maûndû monthe marîa mwagweta. Nîmûkûmwîthîrîria arî vau mwîrîgarî wa mûciî wa mûthamaki.”

Esita 6:12

Moridekai nîwacokire kîvingorî kwa mûthamaki nake Hamani akînûka narua enamîtie ûthiû nîûndû wa gûconoka.

Esita 8:15

Moridekai nîwaumire mûciî kwa mûthamaki ekîrîte nguo cia ûthamaki cia rangi wa vururu na îno njerû, na ekîrîte nthûmbî mbaro ya thaavu. Andû onthe a Susa nîmaumîrire varavararî makiugagîrîria macanjamûkîte.

Esita 9:3

Atongoria onthe a mavûrûri, arîrîria a vûrûri, anene na andû a kwa mûthamaki nîmatethagîrîria Ayahudi nîûndû onthe nîmegucaga guoya nî Moridekai.

Nthi 27:18

Mûndû ûrîa ûmenyagîrîra mûtî wa mûkûyû nîarîcaga matunda ma guo, nake mûndû ûrîa ûgitagîra mwathi wake nîakaavewa gîtîîo.

Isaia 60:14

Ciana cia arîa maagûkinyagîrîria nîigaaûka, ikwînamîrîre ikûve gîtîîo. Arîa onthe maakûnyararaga magaaûka menamîrîre mbere yaku. Magaagwîta, “Îtûûra rîa Ngai-Mûnene, Zayuni, Îtûûra rîa Ûrîa Mûtheru wa Isiraeli.”

Luka 1:52

Nî agwîthîtie athamaki makauma itîîrî ciao cia ûthamaki, na akanenevia arîa menyivagia.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.