Esita 6:1 - ÎVUKU RÎA ÛVORO MWARO

¹ Ûtukû ûcio mûthamaki ndoona toro. Nîwaugire avirîrwe îvuku rîrîa rîandîkîtwe maûndû marîa mekîkaga wa mûthenya na athomerwe.

Esita 6:1 ပူးပေါင်းရင်းမြစ်များ

Kîam 22:14

Kwoguo Iburahimu nîwetire vandû vau “Ngai-Mûnene nîavecanaga”. Nginya ûmûnthî andû maugaga atîrî, “Kîrîmarî Kîam Ngai-Mûnene, nîavecanaga.”

Esita 10:2

Maûndû monthe marîa mûthamaki Ahasuerusi eekîte na rûgano ruonthe rwa ûrîa aanenevirie Moridekai agîkinya ngathî îrîa nene viû wathanirî wake, nîmandîke îvukuurî rîa maûndû ma tene ma athamaki a Media na Perisia.

Esita 2:21

Vîndî îrîa Moridekai aarî mûrûngamîrîri wa mûciî wa mûthamaki, andû aîrî ngaramba arîa maarangagîra nyomba ya mûthamaki na nîo Bigithana na Tereshi nîmarakarire nginya makîrûtha mûvango wa kûraga mûthamaki Ahasuerusi.

Esita 2:22

Moridekai nîwamenyire ûndû ûcio na akîra Esita, nake Esita akîmenyithia mûthamaki.

Esita 2:23

Rîrîa ûndû ûcio watuîrirue na ûkîmenyekana atî nî wa ma, andû acio oîrî nîmaacurirue mûtîrî îgûrû. Mûthamaki nîwathanire ûvoro ûcio wandîkwe îvukuurî rîa maûndû ma kûririkanagwa ma vûrûri.

Esita 5:8

Ethîrwa nîngwîtîkîrîka nîwe we mûthamaki wakwa, na ethîrwa nîwonete kwagîrîrîte ûvingie îvoya rîakwa, nîrenda we mûthamaki vamwe na Hamani mûkethîrwa mûrî îrugarî rîakwa rûyû rîrîa ngaavarîria nîûndû wenyu. Vîndî îo nîrîo ngaamwîra kîrîa nîrenda.”

Isaia 41:17

“Rîrîa athîni na avatari maracaria manjî matakûmona, na rîrîa mîmero yao îrî mîng'arûku nî kûnyonda, nînie Ngai-Mûnene ngaamacokeria, nie Ngai wa Isiraeli ndikaamatiganîria.

Danieli 2:1

Mwaka wa kaîrî wa Nebukadinezarû arî mûthamaki, nîwagîre na kîroto. Nebukadinezarû nîwathînîkire mûno nî kîroto kîu nginya agîtura toro.

Danieli 6:18

Mûthamaki nîwacokire gwake mûciî, na akîraara ûtukû wonthe atoona toro, na ndaarîa kana anyua kîndû.

Malaki 3:16

Nao arîa magocaga Ngai-Mûnene nîmaranîrie o ene, nake Ngai-Mûnene akîgua ûrîa maaragia. Narîo îvuku nîrîaigirwe mbere ya Ngai-Mûnene rîandîkîtwe marîîtwa ma arîa mamûgoocaga na mamwathîkagîra.

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?