Esita 4:16 - ÎVUKU RÎA ÛVORO MWARO

¹⁶ “Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Esita 4:16 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Kîam 43:14

Ngai mwene vinya wonthe arotûma mûndû ûcio amwîguîre ntha na amûnengere Benjamini wa vamwe na mûrwanyûkwe ûcio wîngî. Nwatî ethîrwa ciana ciakwa nwanginya ciûre, nîimbûre.”

2Sam 10:12

Îyûmîrîrie! Tûrûe na vinya nîûndû wa andû etû na matûûra ma Ngai wetû. Nake Ngai-Mûnene aroeka wa ûrîa akwona kwagîrîre.”

2Atha 7:4

Tûngiuga atî tûtonye îtûûrarî, nîtûgaakuîra kuo nî yûra, na twekara ava wanarîo nwa tûgaakua. Kwoguo tûthiîni kûrîa andû a Sîria matûûraga, matûûrage kana marege gûtûûraga.”

2Maû 20:3

Jehoshafati nîwamakire na akîvoya Ngai-Mûnene amwonie ûrîa agwîka. Nîwacokire akîanîrîra andû onthe a vûrûri wa Juda menyerekie.

Ezira 8:21

Vakuvî na mûtaro wa manjî wa Ahava nînerire andû onthe twînyerekie na twînyivie mbere ya Ngai wetû na tûvoe. Nîtwavoire Ngai na tûkîmûria atûtongorie na atûgitîre rûgendorî rwetû tûrî vamwe na ciana na indo cietû cionthe.

Esita 4:15

Esita nîwamatûmire makere Moridekai atîrî,

Esita 4:17

Moridekai nîwacokire akîthiî na agîka ûrîa erîtwe nî Esita.

Esita 4:3

Kûndû kuonthe vûrûrirî kûrîa ndûmîrîri na watho wa mûthamaki ciamûkîrwe, nîkwagîre na kîeva kînene. Nîmenyerekirie, makîrîra na magîkîra nguo cia macakaya na makîîvaka mûu.

Esita 5:1

Mûthenya wa kathatû Esita nîwekîrire nguo cia ûthamaki na akîrûgama kîvarorî Kîam nyomba ya mûthamaki kûrorania na varîa mûthamaki ekaraga. Mûthamaki eekarîrîte gîtî Kîam ûthamaki aroretie mwîrîgarî wa mûciî wake.

Esita 9:31

na mekarage marî evokeku na makûngûagîre kîrugo Kîam Purimu mavinda marîa magîrîrîte, wata ûrîa mamûkîrîte mawatho megiî kwînyerekia na ma macakaya, o wana njiarwa ciao.

Isaia 22:12

Mûthenya ûcio Ngai-Mûnene mwene vinya wonthe, nîwamwîtire mûrîre na mûcakae, mwenje njuîrî na mwîkîre nguo cia macakaya.

Jeremia 36:9

Mwaka wa gatano wa Jehoiakimu mûvîcî wa Josia, mûthamaki wa Juda, mwerirî wa kenda, andû onthe a Jerusalemu na andû arîa maumîte matûûrarî ma Juda nîmanîrîre mûthenya wa kwînyerekia mbere ya Ngai-Mûnene.

Danieli 2:18

Nîwamerire mavoe Ngai wa îgûrû nîguo ameguîre ntha na amaguûrîrie nthitho îo nîguo matikaûragwe vamwe na anake arîa engî maathûrîtwe a gûtaaraga Mûthamaki.

Mathaayo 12:40

Wata ûrîa Jona eekarire ndarî ya nthamaki nene mîthenya îthatû, nwa ta guo Mûrû wa Mûndû ageekara na gûkû nthî kûrîa kûriku mûno mîthenya îthatû.

Luka 9:24

Nîûndû mûndû wa wonthe wendaga kûvonokia mwoyo wake nîaûtecaga, na mûndû wa wonthe ûtecaga mwoyo wake nîûndû wakwa, nîakaaûvonokia.

Johana 19:22

Pilato nîwamacokerie atîrî, “Ûguo nandîkithia nînandîkithia.”

Ciîko 10:7

Rîrîa mûraika ûcio warîrie Korinelio athiîre, Korinelio nîwetire ndungata ciake ciîrî na mûthigari ûmwe wetîkîtie Ngai mûno. Aametire kuuma gatagatîrî ka andû arîa maamûtungatagîra.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 21:13

Nwatî nîwatûcokerie atîrî, “Mue mûreka atîa? Mûrarîra methori na mûkambûraga ngoro nîkî? Nie nînîvarîrîtie kwovwa njeera wana gûkua nîrî kûu Jerusalemu nîûndû wa rîîtwa rîa Mwathani Jesû.”

Ciîko 27:33

Rîrîa kwageerie gûkîa, Paûlo nîwathaithire andû onthe akîmeera metîkîre kûrîa. Nake nîwamerire atîrî, “Ûmûnthî nî mûthenya wa îkûmi na kana na mwîkarîte mwetererete na mûtakûrîa kîndû.

Ciîko 9:9

Nake nîwekarire mîthenya îthatû atakûvota kwona na atakûrîa kana kûnyua wa naarî kîndû.

Aroma 16:4

Andû aya matietigîra gûkua nîguo mamvonokie. Nie nîngûcokia ngatho kûrî o, wana makanitha monthe ma andû a ndûrîrî nîmamacokeria ngatho.

Afil 2:30

nîûndû aarî vakuvî gûkua nîûndû wa wîra wa Kristû. Ekire ûguo nîguo andethie na ûtethio ûrîa mue mûtangîavotire kûmva.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”

1Sam 19:5

Nîweîkîrire ûgwatirî mûnene rîrîa aaûragire Goliathu na Ngai-Mûnene agîtûma Aisiraeli mavootane. Rîrîa wonire ûndû ûcio, we nîwakenire. Rîu we ûrenda gwîka ûndû ûyû mûcûku nîkî wa gwîtûrûra nthakame ya mûndû ûtarî na wîvia na njîra ya kûûraga Daudi vatarî na gîtûmi?”