Esita 4:14 - ÎVUKU RÎA ÛVORO MWARO

¹⁴ Nîûndû ûngîkira îvinda ta rîrî, Ayahudi nîmakaagîa ûtethio kuuma vandû vengî, nwatî we vamwe na andû onthe a mûciî wa aguo nîmûkaaûragwa. Nû wicî atî twa kwîthîrwa we watuîkire mûka wa mûthamaki nîûndû wa îvinda ta rîrî?”

Esita 4:14 ပူးပေါင်းရင်းမြစ်များ

Kîam 22:14

Kwoguo Iburahimu nîwetire vandû vau “Ngai-Mûnene nîavecanaga”. Nginya ûmûnthî andû maugaga atîrî, “Kîrîmarî Kîam Ngai-Mûnene, nîavecanaga.”

2Atha 13:5

Kwoguo Ngai-Mûnene nîwatûmîre andû a Isiraeli mûtongoria, ûrîa wamavonokirie kuuma kûrî andû a Sîria. Kwoguo andû a Isiraeli nîmaatûûrire mîciîrî yao marî na thayû wata ûrîa maatûûraga mbere.

2Atha 19:3

Ndûmîrîri îrîa Hezekia aamaveere mavirîre mûrathi Isaia yaugaga atîrî, “Hezekia auga atî, ûmûnthî nî mûthenya wa kîeva, nî mûthenya wa kûrumwa na kûnyararwa. Twîkariî ta mûndûmûka akîenda gûciara nwatî ndarî na vinya wa gûciara.

Ezira 9:9

Wana ethîrwa twarî ngombo, we Ngai wetû ndwatûtiganîria ûkomborî. Nîwatûmire mûthamaki wa Perisia atwonie wendo ûtathiraga na agîtîkîra tûtûûre na tûtume hekarû yaku îrîa yarî nyomomoku, na agîtûva ûgitîri tûrî gûkû Juda na Jerusalemu.

Nehemia 6:11

Nînaamûcokerie atîrî, “Mûndû tanie anga nwa aûre? Mûndû tanie nwa athiî kwîthitha hekarûrî atî nîguo avonokie mwoyo wake? Tî nthiî kuo.”

Esita 2:15

Kavinda ka Esita ga kûthiî kwa mûthamaki nîgaakinyire. Esita aarî mwarî wa Abihaili, îthe mûkûrû wa Moridekai. Moridekai nîwocete Esita agatuîka mwarî. Esita nîwendagwa nî mûndû wa wonthe wamwonaga. Rîrîa kavinda gaakinyire Esita nîwekîrire nguo îrîa Hegai, ngaramba îrîa yarûngamagîrîra ndungata cia aka aamûtaarire ekîre.

Esita 2:17

Mûthamaki nîwendire Esita gûkîra erîtu acio engî onthe, kwoguo nîwamwîkîrire nthûmbî kîongorî îrîa îkagîrwa nî mûka wa mûthamaki na akîmûtua mûka vandûrî va Vashiti.

Esita 2:7

Moridekai nîke warerete Hadasa, na nîke Esita, mwîrîtu wa îthe mûkûrû. Aciari a Esita makua, Moridekai nîke wamwocire na akîmûrera arî ta ûmwe wa ciana ciake.

Esita 4:13

nîwamûkaanirie akîmwîra atîrî, “Ndûgecirie atî nîûkûvonoka nîûndû ûrî kwa mûthamaki mûciî Ayahudi acio engî makîûragwa.

Esita 4:15

Esita nîwamatûmire makere Moridekai atîrî,

Ayubu 9:18

Ndakaareka wanarî mveva, nwatî atûmaga ndûûre mbîcûrîtwe nî marakara.

Mûvunjia 3:7

Kavinda ga gûtembûranga na kavinda ka gûtuma, kavinda ga gûkira na kavinda ga kwaria.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Jeremia 30:11

Nîûndû nîngaûka nîmûvonokie, na njûkangie mavûrûri monthe viû, kûrîa namûnyaganirie, nwatî mue ndikamûcûkangia. Mue ndikamûrakereria ndamûverithîtie, ngamûverithia na njîra ya kîvooto. Nie Ngai-Mûnene nînie nauga Ûguo.”

Jeremia 46:28

Ngai-Mûnene arauga atî: ndûgetigîre we Jakovu ndungata yakwa, nîûndû nîrî vamwe nawe. Nîngacûkangia mavûrûri monthe mathire, kûrîa kuonthe nakûnyaganîrie, nwatî we ndigaagûcûkangia ûthira. Nîngakûverithia ûrîa kwagîrîrîte, ndigaagûtiga ndakûverithîtie.”

Alawi 26:42

nîngaavingia kîrîkanîro kîrîa naarûthire na Iburahimu, Isaka na Jakovu, na ndirikane vûrûri ûrîa naamwîrîre atî nîngaamûva.

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

Atir 15:6

Rîrîa Afilisiti maaûrîrîrie mûndû ûrîa wekîte ûguo, nîmaamenyire atî nî Samusoni wekîte guo nîûndû mûthoniwe wa kuuma Timuna nîwocete mûka wa Samusoni na akamûvecana kûrî mûndû wîngî mûrata wa Samusoni. Kwoguo Afilisiti nîmaathiîre na makîvîvia mûndûmûka ûcio vamwe na andû a mûciî wao magîkua.

1Sam 12:22

Ngai-Mûnene nîamûthuurîte mûgatuîka andû ake na nîamwîrîrîte atî ke ndakaamûtiganîria.

1Sam 17:29

Nake Daudi nîwaûririe atîrî, “Nîkwa neka atîa rîu? Anga ndiagîrîrwe nî kûria kîûria?”