Esita 4:11 - ÎVUKU RÎA ÛVORO MWARO

¹¹ “Ndungata cionthe cia mûthamaki na andû onthe a mavûrûri arîa mathagwa nî mûthamaki nîmaicî atî mûndû wa wonthe arî mûndûmûka kana mûndûmûrûme angîthiî nyomba kwa mûthamaki atarî na rûtha, mûndû ûcio agîrîrwe nî kûûragwa. Mûndû ûrîa tu ûngîvonoka kuumana na watho ûyû nî ûrîa mûthamaki aigîrîrîte mûtî wake wa thaavu wa ûthamaki. Nîrî na mweri mûgima ndathiîte kwa mûthamaki.”

Esita 4:11 ပူးပေါင်းရင်းမြစ်များ

Esita 1:19

Mûthamaki, ethîrwa nîûkwona kwagîrîrîte athana vûrûri wonthe uge Vashiti ndagakinya mbere ya mûthamaki rîngî. Athana kwandîkwe mawathorî ma Perisia na Media nîguo watho ûyû ndûkagararwe. Nake Vashiti ndagacoke gûka varî we, we Ahasuerusi mûthamaki wetû. Naguo ûvoro wake wa gûtuîka mûka wa mûthamaki ûvewe mwîrîtu wîngî ûrîa mwaro kûmûkîra.

Esita 2:14

Kîvwaî mwîrîtu nîwatonyaga kwa mûthamaki na kîraûko agacoka nyombarî ya kaîrî îrîa yamenyagîrîrwa nî Shaashagazu, mûndû ûrîa warî ngaramba na wevokeretwe aka a kwigwa a mûthamaki. Mwîrîtu wa wonthe ndangîacokire kwa mûthamaki tiga endirwe nî mûthamaki na etwe na rîîtwa.

Esita 4:10

Nake Esita nîwerire Hathaki athiî akeere Moridekai atîrî,

Esita 4:12

Rîrîa Moridekai aanyitire ndûmîrîri ya Esita,

Esita 6:4

Mûthamaki nîwaûririe atîrî, “Kûrî mûndû wî kîvarorî?” Nake Hamani nwa vîndî aatonyete vau nja ya kîvaro mûciî wa mûthamaki. Hamani aûkîte kûria mûthamaki acurie Moridekai mûtîrî ûrîa aarûthithîtie.

Esita 8:4

Mûthamaki nîwatambûrûkîrie Esita mûragi wa thaavu, nake Esita nîwarûngamire na akiuga atîrî,

Danieli 2:9

atî ethîrwa tîmûmbîra kîroto kîu, muonthe nînîmûverithia ûndû ûmwe. Muonthe mûtuîte ûrîa mûkûmvenia mwîrîgîrîte atî wa ûrîa mathaa marathira, navota kûgarûra îtua rîakwa. Mbîrani kîroto kîu, nîguo menye kana mwavota gûgîtaûra.”

1Pet 3:7

Na njîra wata îo, wa namue athuuri îkaranagiani na aka enyu mûkîroragia wagîrîru wao nîûndû matirî vinya ta arûme. Monagieni gîtîîo nîûndû wa nao nîmakaagaîrwa kîveo Kîam mwoyo nî Ngai wa vamwe namue. Îkagani ûguo nîguo vatikagîe na kîndû kîngîvîngîca mavoya menyu.