Esita 3:7 - ÎVUKU RÎA ÛVORO MWARO

⁷ Mwaka wa îkûmi na îîrî mweri wa mbere ûrîa wîtagwa Nisani kuuma mûthamaki Ahasuerusi ambîrîria kwathana, Hamani nîwathanire atî gwikague mîtî nîguo kûmenyekane nîrî makaûraga andû acio. Nayo kuura nîyagwîrîre mûthenya wa îkûmi na îthatû mweri wa îkûmi na îîrî, ûrîa wîtagwa mweri wa Adari.

Esita 3:7 ပူးပေါင်းရင်းမြစ်များ

Ezira 4:6

Rîrîa Ahasuerusi aambîrîrie kwathana arî mûthamaki, nthû nîciandîkire maarûa ikîthitanga andû a Juda na a Jerusalemu.

Ezira 6:15

Mûthenya wa Kathatû mwerirî wa Adari mwakarî wa gatandatû kuuma mûthamaki Dario atuîka mûthamaki, wîra wa gûtuma hekarû ya Ngai nîwathirire.

Nehemia 2:1

Mûthenya ûmwe mwerirî wa Nisani mwaka wa mîrongo îîrî rîrîa mûthamaki Aritashasike aarîcaga irio, nînaamûvirîre ndivei. Ndoonete nîrî na kîeva ûguo mbererî.

Esita 1:3

Mwaka wa kathatû kuuma mûthamaki Ahasuerusi ambîrîria kwathana, nîwarugithirie kîrugo kînene na agîta anene onthe na andû arîa maarî îgweta vûrûrirî ûcio.

Esita 2:16

Kwoguo mwaka wa mûgwanja mwerirî wa îkûmi na nîguo mweri wa Tebethi Ahasuerusi arî mûthamaki, Esita nîwavirirwe mûciî kwa mûthamaki.

Esita 9:1

Mûthenya wa îkûmi na îthatû mweri wa Adari na nîguo mweri wa îkûmi na îîrî nîwakinyire. Mûthenya ûcio nîguo warî wa kûvingia ûrîa mûthamaki aathanîte, mûthenya ûrîa nthû cia Ayahudi cievokete nîikaamavoota. Nwatî Ayahudi nîo maavootanire.

Esita 9:21

Aamamenyithagia nîguo makûngûagîre mûthenya wa îkûmi na kana mweri wa Adari, mwaka wa mwaka.

Esita 9:5

Kwoguo Ayahudi nîmaatharîkîre nthû ciao na mviû na makîmaûraga onthe. Nîmaamekire wa ûrîa mangîendire kûmeka.

Nthi 16:33

Andû maikagia mîtî nîguo mamenye ûrîa gûgaatuîkîka, nwatî Ngai-Mûnene nîke ûtucaga ûrîa gûgaatuîkîka.

Mathaayo 27:35

Nao nîmaamwambire mûtharavarî na magîcoka makîûthîra nguo ciake na makîigaana.