Esita 3:15 - ÎVUKU RÎA ÛVORO MWARO

¹⁵ Watho ûcio wavecanirwe kûu Susa kwa mûthamaki, nake mûthamaki Ahasuerusi na Hamani nîmekarire nthî na makînyua ndivei, nao andû onthe arîa maarî îtûûrarî rîa Susa nîmaamakire mûno.

Esita 3:15 ပူးပေါင်းရင်းမြစ်များ

Kîam 37:25

Rîrîa mekarire nthî kûrîa irio, nîmoonire gîkundi Kîam Aishumaeli marî rûgendorî maumîte Gileadi mathiîte Misiri. Ngamîîra ciao ciakuuîte ûbani, indo irîa ciîkagîra irio mûcamo, na mînyamû mînungi waro kuuma mûtîrî wa mare.

1Atha 14:27

Vandûrî va cio Solomoni nîwarûthire ngo cia gîcango na akîinenganîra kûrî anene a agitîri a kîvingo Kîam mûciî wa mûthamaki nîguo maimenyagîrîre.

Esita 1:10

Mûthenya wa mûgwanja kuuma kîrugo Kîammbîrîria, mûthamaki aarî mûnyuu ndivei na agacanjamûka. Nake nîwetire ngaramba ciake irîa ciakarambithîtue nîûndû wa gûtungata kwa mûthamaki. Nao nî: Mehumani, Bizitha, Haribona, Bigatha Zethari na Karikasi.

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Esita 8:15

Moridekai nîwaumire mûciî kwa mûthamaki ekîrîte nguo cia ûthamaki cia rangi wa vururu na îno njerû, na ekîrîte nthûmbî mbaro ya thaavu. Andû onthe a Susa nîmaumîrire varavararî makiugagîrîria macanjamûkîte.

Thaburi 37:7

Vorera na weterere Ngai-Mûnene agûtethie; ndûkamakue nî arîa marathiî na mbere na maûndû mao, kana arîa mavangaga mîvango mîcûku na îgakinyanîra.

Nthi 1:16

Nîûndû mavinyûragîra gwîka maûndû marîa macûku, na methagîrwa marî na karûgî ga kûûragana.

Nthi 29:2

Rîrîa andû arîa athingu marathana, andû nî makenaga, nwatî rîrîa andû arîa aganu marathana, andû nîmacaaga.

Nthi 31:4

Tathikîrîria Lemueli, athamaki matiagîrîrwe nî kûnyua ndivei, kana athani merirîrie kûnyua njovi.

Nthi 4:16

Nîûndû andû arîa aganu matingîmama matekîte naaî; matingîgwatwa nî toro matavîtithîtie mûndû.

Hosea 7:5

Mûthenya wa gûkûngûîra mûthamaki, atongoria ake manyuire ndivei makîrîwa na makîrita, nake mûthamaki akînyitanîra na andû arîa mamûnyûrûragia.

Amosi 6:6

Mûnyunyaga ndivei na mbakûri, na mûkevaka maguta manungi waro mûno, nwatî mûtiîgucaga kîeva nîûndû wa gûcûkangua gwa Isiraeli.

Johana 16:20

Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.