Esita 3:12 - ÎVUKU RÎA ÛVORO MWARO

¹² Kwoguo mûthenya wa îkûmi na îthatû wa mweri wa mbere, Hamani nîwetire tûrani tuonthe twa mûthamaki na akîmera mandîke maarûa na nthiomi na mîandîkîre ya andû onthe vûrûrirî ûcio. Nîwaugire ivirîrwe arîrîria a vûrûri arîa anene, arîa anini, na andû arîa onthe mathanaga mavûrûrirî. Maarûa icio ciandîkîtwe vandûrî va mûthamaki Ahasuerusi na akîvûrwa mûvûri na gîcûvî gîake.

Esita 3:12 ပူးပေါင်းရင်းမြစ်များ

1Atha 21:8

Kwoguo Jezebeli nîwandîkire maarûa vandûrî va Ahabu, akîivûûra mûvûûri wa Ahabu na agîitûma kûrî ndungata na atongoria arîa matûûraga na Nabothi îtûûrarî rîake.

Ezira 8:36

Nîmaacokire magîtwarîra mûnene wa vûrûri ûrîa ûrî na mwena wa îthûîro wa Rûnjî rwa Farati maarûa, marî na anene ake. Maarûa îo yandîkîtwe nî mûthamaki Aritakiserikise na yonanagia ûrîa aathanîte. Nao nîmaaveere andû a Isiraeli ûtethio vamwe na wa hekarû ya Ngai.

Esita 1:22

Mûthamaki nîwatûmire maarûa icunjîrî cionthe irîa aathanaga mandîkîtwe na rûthiomi na mwandîkîre ûrîa wereekaga gîcunjîrî Kîam vûrûri na akiuga atî mûndûmûrûme wa wonthe nîke ûkaathanaga gwake mûciî na gûtirî mûndû ûkamûkararagia.

Esita 3:11

Mûthamaki nîwacokire akîra Hamani atîrî, “Andû acio wana mbeca nî ciaku meke ûrîa ûrona kwagîrîrîte.”

Esita 8:2

Mûthamaki nîwavere Moridekai mbete îrîa yarî na mûvûûri wake. Mbete îo nî îrîa yarutîtwe Hamani. Esita nîwatuire Moridekai mûrûngamîrîri wa indo cia Hamani.

Esita 9:27

Ayahudi nîmaavîtûkirie ûndû ûyû ûrî watho kûrî o, njiarwa ciao na arîa onthe magatuîka Ayahudi atî mwaka wa mwaka kavinda karîa kagîrîrîte, mîthenya îo îîrî îkûngûagîrwe kûringana na watho wa Moridekai.

Danieli 3:10

We mûthamaki nîwathanîte atî rîrîa andû onthe makeegua mûgambo wa coro, Mîtûrirû, ngita, wandîndî na inanda, na nyîmbo mwanya mwanya, nîmakenamîrîra magooce mûvuanano ûcio wa thaavu.

Danieli 6:12

Nao onthe nîmaathiîre kûrî mûthamaki na magîcuka Danieli atîrî, “Mûthamaki wetû, kinthî ndûrutire watho na wekîra kîrore, wauga atî îvinda rîa mîthenya mîrongo îthatû, mûndû ûrîa ûkaavoya ngai kana mûndû wîngî tiga we Mûthamaki wetû, nîkwa agaaikua îrimarî rîa mînyambû?” Mûthamaki nîwacokirie atîrî, “Nîguo kûrî, kûringana na watho wa Amede na Aperisia, ûrîa ûtangîgarûrwa.”

Danieli 6:15

Nwatî nthû cia Danieli nîciacokire kûrî Mûthamaki na ikîmwîra atîrî, “Mûthamaki wetû, menya atî kûringana na mawatho ma Amede na Aperizi, gûtirî, îtua kana watho ûvecanîtwe nî Mûthamaki ûngîgarûrwa.”

Danieli 6:25

Nake mûthamaki Dario nîwandîkîîre andû a mavûrûri monthe, iruka, na andû a nthiomi cionthe arîa maatûûraga nthî yonthe akîmeera atîrî, “Mûrorathimwa!

Danieli 6:8

Rîu mwathi wetû mûthamaki ruta watho na wandîkwe na ûwîkîre kîrore, nîguo ndûkagarûrwe. Watho ûyû ûkaarûmagîrîrwa nî andû a Mede na a Perisi, na ndûkaagarûrwa.”