Esita 2:17 - ÎVUKU RÎA ÛVORO MWARO

¹⁷ Mûthamaki nîwendire Esita gûkîra erîtu acio engî onthe, kwoguo nîwamwîkîrire nthûmbî kîongorî îrîa îkagîrwa nî mûka wa mûthamaki na akîmûtua mûka vandûrî va Vashiti.

Esita 2:17 ပူးပေါင်းရင်းမြစ်များ

Esita 1:11

Nîwamatûmire mathiî makagîre mûka Vashiti aûke vau mbere ya mûthamaki ekîrîte nthûmbî ya ûthamaki. Vashiti aarî mûthaka mûno na mûthamaki endaga kûmwonania mbere ya atongoria na ageni ake onthe.

Esita 2:16

Kwoguo mwaka wa mûgwanja mwerirî wa îkûmi na nîguo mweri wa Tebethi Ahasuerusi arî mûthamaki, Esita nîwavirirwe mûciî kwa mûthamaki.

Esita 4:14

Nîûndû ûngîkira îvinda ta rîrî, Ayahudi nîmakaagîa ûtethio kuuma vandû vengî, nwatî we vamwe na andû onthe a mûciî wa aguo nîmûkaaûragwa. Nû wicî atî twa kwîthîrwa we watuîkire mûka wa mûthamaki nîûndû wa îvinda ta rîrî?”

Esita 6:8

nîavewe nguo irîa mbaro mûno irîa ciîkagîrwa nî mûthamaki, na mbarathi irîa athiîcaga nacio na nthûmbî îrîa ekagîra.

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Ezek 17:24

Nayo mîtî yonthe kûu vûrûrirî nîkaamenya atî nie nînie Ngai-Mûnene. Nîmvotaga gûtûma mîtî îrîa mîraca îtuîke mîkuvî na mîtî îrîa mîkuvî îtuîke mîraca. Nînyûmagia mîtî îrîa mîthî na îrîa mîûmû ngatûma îtuîke mîthî. Nie Ngai-Mûnene nînie mbugîte ûguo, na nîngeka guo.”

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.