Esita 2:15 - ÎVUKU RÎA ÛVORO MWARO

¹⁵ Kavinda ka Esita ga kûthiî kwa mûthamaki nîgaakinyire. Esita aarî mwarî wa Abihaili, îthe mûkûrû wa Moridekai. Moridekai nîwocete Esita agatuîka mwarî. Esita nîwendagwa nî mûndû wa wonthe wamwonaga. Rîrîa kavinda gaakinyire Esita nîwekîrire nguo îrîa Hegai, ngaramba îrîa yarûngamagîrîra ndungata cia aka aamûtaarire ekîre.

Esita 2:15 ပူးပေါင်းရင်းမြစ်များ

Esita 2:14

Kîvwaî mwîrîtu nîwatonyaga kwa mûthamaki na kîraûko agacoka nyombarî ya kaîrî îrîa yamenyagîrîrwa nî Shaashagazu, mûndû ûrîa warî ngaramba na wevokeretwe aka a kwigwa a mûthamaki. Mwîrîtu wa wonthe ndangîacokire kwa mûthamaki tiga endirwe nî mûthamaki na etwe na rîîtwa.

Esita 2:16

Kwoguo mwaka wa mûgwanja mwerirî wa îkûmi na nîguo mweri wa Tebethi Ahasuerusi arî mûthamaki, Esita nîwavirirwe mûciî kwa mûthamaki.

Esita 2:3

Nawe mûthamaki wetû, thuura anene mavûrûrirî monthe na ûmatue a gûcaria erîtu arîa athaka mûno na maretwe nyombarî ya mûthamaki gûkû Susa. Nîmaigwe nyombarî îrîa îkaraga aka, na mekarague nî Hegai ûrîa ngaramba na mûmenyereri wa aka a mûthamaki, macoke mavewe maguta megemie.

Esita 8:1

Mûthenya wa ûcio mûthamaki Ahasuerusi nîwavere kwini Esita indo cionthe cia Hamani, ûrîa warî nthû ya Ayahudi. Esita nîwerire mûthamaki atî Moridekai nî wa nyomba yao na kwoguo kuuma vîndî îo Moridekai nîwetîkîrue kûthiî varî mûthamaki.

Esita 9:29

Kwini Esita mwarî wa Abihaili na Moridekai ûrîa Mûyahudi nîmaandîkire maarûa ya kaîrî îrî ya gwîtîkîra maarûa îrîa yandîkirwe mbere nî Moridekai îgiî Purimu.

Nthi 15:33

Gwîtigîra Ngai-Mûnene nî kûgîa na ûûgî, na kwînyivia nîkuo gûtûmaga mûndû agîe na ngumo mbaro.

Rwîmbo rwa Nyîmbo 6:9

Nwatî mwendwa wakwa nî ûmwe, na nî mûthaka ta ndutuura, nîke wenga varî ng'ina na nîamwendete mûno! Aka onthe mamwona nîmamûkumagia. Aka a mûthamaki na aka ake a kwigwa nîmamûkumagia.

Rwîmbo rwa Nyîmbo 8:10

Nie nekariî ta rûthingo na ndiarî mumiu nyondo, nyondo ciakwa rîu ciîkariî ta nyomba ndaca na îgûrû. Mwendwa wakwa andoria, nîakenagua nî kîrîa onaga.

Ciîko 7:10

na nîwamûtethûrire mathînarî mau make monthe. Josefu aarî mûve ûûgî mwîngî mûno nî Ngai arî mbere ya mûthamaki. Kwoguo mûthamaki wa Misiri nîwamûtuire mûnene wa vûrûri wa Misiri na akîmûva wîra wa kûrûngamîrîra andû onthe a mûciî wake.