Esita 2:14 - ÎVUKU RÎA ÛVORO MWARO

¹⁴ Kîvwaî mwîrîtu nîwatonyaga kwa mûthamaki na kîraûko agacoka nyombarî ya kaîrî îrîa yamenyagîrîrwa nî Shaashagazu, mûndû ûrîa warî ngaramba na wevokeretwe aka a kwigwa a mûthamaki. Mwîrîtu wa wonthe ndangîacokire kwa mûthamaki tiga endirwe nî mûthamaki na etwe na rîîtwa.

Esita 2:14 ပူးပေါင်းရင်းမြစ်များ

Kîam 34:19

Shekemu ndaata kavinda atekîte ûguo eerirwe, nîûndû nîwendete Dina mwarî wa Jakovu. Shekemu nîke waveetwe gîtîîo mûno kwao mûciî.

Esita 2:13

Vîndî ya kuuma kûrîa mekaraga na kûthiî kwa mûthamaki, wa mwîrîtu nîwavecagwa wa kîrîa kîonthe angîendire nîguo athiî nakîo kwa mûthamaki.

Esita 2:15

Kavinda ka Esita ga kûthiî kwa mûthamaki nîgaakinyire. Esita aarî mwarî wa Abihaili, îthe mûkûrû wa Moridekai. Moridekai nîwocete Esita agatuîka mwarî. Esita nîwendagwa nî mûndû wa wonthe wamwonaga. Rîrîa kavinda gaakinyire Esita nîwekîrire nguo îrîa Hegai, ngaramba îrîa yarûngamagîrîra ndungata cia aka aamûtaarire ekîre.

Esita 4:11

“Ndungata cionthe cia mûthamaki na andû onthe a mavûrûri arîa mathagwa nî mûthamaki nîmaicî atî mûndû wa wonthe arî mûndûmûka kana mûndûmûrûme angîthiî nyomba kwa mûthamaki atarî na rûtha, mûndû ûcio agîrîrwe nî kûûragwa. Mûndû ûrîa tu ûngîvonoka kuumana na watho ûyû nî ûrîa mûthamaki aigîrîrîte mûtî wake wa thaavu wa ûthamaki. Nîrî na mweri mûgima ndathiîte kwa mûthamaki.”

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 45:4

Nîûndû wa ndungata yakwa Jakovu, na Isiraeli mûndû ûrîa nthurîte. Ngwîtîte na rîîtwa rîaku, ngûvete rîîtwa rîrî na îgweta wana ethîrwa ndûmbîcî.

Gûco 21:14

Vuva wa gwîkaranga nake, ethîrwa ndakûmwenda rîngî, nwa amûrekererie athiî wa kûrîa angîenda. Nwatî ndagîrîrwe nî kûmwendia kana kûmûtua ngombo, nîûndû nîamûcambithîtie.