Esita 10:3 - ÎVUKU RÎA ÛVORO MWARO

³ Moridekai aarî wa kaîrî wathanirî kuuma kûrî mûthamaki Ahasuerusi. Aarî mûtîîe mûno na akendwa nî Ayahudi arîa engî. Nîwarutaga wîra mwaro mûno kûrî andû ake nîguo magîe na ûtûûro mwaro na njiarwa ciake cionthe ciîthagîrwe irî na thayû.

Esita 10:3 ပူးပေါင်းရင်းမြစ်များ

Kîam 41:40

We nîwe ngûtua mûrûngamîrîri wa vûrûri wakwa. Andû onthe akwa magekaga ûrîa wathana. Gûtirî mûndû wîngî ûkethagîrwa arî mûnene gûgûkîra tiga nie.

Kîam 45:10

Nîûgaatûûra vûrûrirî wa Gosheni, na wîthagîrwe ûrî vakuvî na nie; we, ciana ciaku, ciana cia ciana ciaku, ng'ondu ciaku, mbûri ciaku, ng'ombe ciaku, vamwe na indo cionthe irîa ûrî nacio.

Kîam 45:11

Ethîrwa ûrî Gosheni ngavota gûkûmenyerera, nîûndû nîgûkwîthîrwa na mîaka îngî îtano ya yûra. Ndirenda we, andû a mûciî waku kana ndîthia yaku mûkua nî yûra.’ ”

2Maû 28:7

Zikiri, mûthigari warî njamba ya mbaara wa kuuma Efiraimu, nîwaûragire Maaseia mûvîcî wa mûthamaki Ahazi na akîûraga Azirikamu mûnene wa nyomba ya mûthamaki, na akîûraga Elikana ûrîa warûmîrîrîte mûthamaki wathanirî.

Nehemia 2:10

Nwatî rîrîa Sanibalati ûrîa warî wa kuuma Horoni, na Tobia mûnene wa vûrûri wa Aamoni megwire atî kûrî na mûndû ûkîte kûruta wîra nîûndû wa wagîrîru wa andû a Isiraeli nîmaarakarire mûno.

Esita 2:5

Kûu Susa, kwarî na Mûyahudi wetagwa Moridekai mûvîcî wa Jairi. Nake Jairi aarî mûvîcî wa Shemei, Shemei aarî mûvîcî wa Kishu wa mûvîrîga wa Benjamini.

Esita 3:2

Mûthamaki nîwathanire atî andû onthe arîa mamûtungatagîra menamagîrîre na mavecage Hamani gîtîîo. Andû ake onthe nîmeekaga guo nwatî Moridekai nîwaregire kwînamîrîra Hamani kana kûmûva gîtîîo.

Danieli 5:16

Nwatî nîmenyithîtue atî we nwa ûvote gûtaûra maûndû wana gûtaûra ndaî. Kwoguo, ethîrwa nîûkûvota kûthoma mandîko mama na ûmbîre ûrîa maugîte, nîûgekîrwa nguo cia ûthamaki cia rangi wa njambarawe, na wîkîrwe mûkathî wa thaavu ngingo na wîthîrwe ûrî wa kathatû ngathîrî ya ûthamaki.”

Danieli 5:29

Na wa rîmwe Belishazaru nîwathanire Danieli ekîrwe nguo ya ûthamaki ya rangi wa njambarawe, na ekîrwe mûkathî wa thaavu ngingo. Nîwacokire akîanîrîra, atî Danieli nîke mûtongoria wa kathatû ngathîrî ya wathani.

Danieli 6:3

Wîra wa Danieli nîwonekire ûrî mwaro mûno gûkîra wa arûngamîrîri na anene acio engî onthe, nîûndû ethagîrwa arî na ngoro mbaro. Kwoguo mûthamaki nîwamûtwire mûrûngamîrîri wa vûrûri wonthe.

Aroma 10:1

Ariû na aarî a îthe wetû, wendi wa ngoro yakwa yonthe na mavoya makwa kûrî Ngai nî atî, andû etû mavonoke.

Aroma 14:18

Rîrîa andû matungatîra Kristû na njîra ta îno, nîmakenagia Ngai na magetîkîrwa nî andû arîa engî.

1Sam 18:16

Nwatî andû onthe a Isiraeli na Juda nîmeendire Daudi nîûndû wa ûrîa aarî mûtongoria mwaro.

1Sam 23:17

Jonathani nîwerire Daudi atîrî, “Tiga gwîtigîra, nîûndû vava Saûlo ndangîkûraga. We nîûgaatuîka mûthamaki wa Isiraeli nanie nîngaatuîka mûnini waku na vava Saûlo nîwicî ûguo.”