Esita 1:3 - ÎVUKU RÎA ÛVORO MWARO

³ Mwaka wa kathatû kuuma mûthamaki Ahasuerusi ambîrîria kwathana, nîwarugithirie kîrugo kînene na agîta anene onthe na andû arîa maarî îgweta vûrûrirî ûcio.

Esita 1:3 ပူးပေါင်းရင်းမြစ်များ

Kîam 40:20

Mûthenya wa kathatû kuuma vîndî îo, warî wa gûkûngûîra gûciarwa kwa mûthamaki wa Misiri. Kwoguo nîwarûthîre ndungata ciake cionthe kîrugo. Nîwarutire mûnene wa amenyereri ndivei vamwe na mûnene wa arugi mîgate njeera, na akîmavira mbere ya ndungata ciake.

1Atha 3:15

Solomoni nîwaramûkire na akîmenya atî nî Ngai wamwaragîria na njîra ya kîroto. Nîwacokire akîthiî Jerusalemu na akîrûngama vau mbere ya îthandûkû rîa kîrîkanîro Kîam Ngai-Mûnene. Nîwarutire matega ma kûvîvua na ma thayû na akîrûthîra ndungata ciake cionthe kîrugo.

Ezira 1:2

“Cairasi Mûthamaki wa Perisia aathanîte atî, Ngai-Mûnene Ngai wa îgûrû nîanduîte mûthamaki wa mavûrûri monthe ma nthî. Ke nîamvete wîra wa gûtuma hekarû yake Jerusalemu vûrûrirî wa Juda.

Esita 1:14

Andû arîa aamenyerete kûria ûtaaro mavinda meengî nî, Karishena, Shethari, Adimatha, Tarishishi, Meresi, Marisena na Memukani. Atongoria aya mûgwanja a Perisia na Media nîo meekaraga vakuvî mûno na mûthamaki.

Esita 1:4

Îvinda rîa mîeri îtandatû, Ahasuerusi nîwonanirie ûtonga wa ûthamaki wake na riiri waguo.

Esita 2:18

Mûthamaki nîwacokire akîrugithîria Esita kîrugo kînene na agîta anene, atongoria na ndungata ciake cionthe. Nîwarekere vûrûri wonthe gooti na akîvecana iveo wata ûrîa ûtaana wake wegana.

Esita 3:7

Mwaka wa îkûmi na îîrî mweri wa mbere ûrîa wîtagwa Nisani kuuma mûthamaki Ahasuerusi ambîrîria kwathana, Hamani nîwathanire atî gwikague mîtî nîguo kûmenyekane nîrî makaûraga andû acio. Nayo kuura nîyagwîrîre mûthenya wa îkûmi na îthatû mweri wa îkûmi na îîrî, ûrîa wîtagwa mweri wa Adari.

Isaia 21:2

Nîmonetue kîoneki gîa kûmakania; kîoneki Kîam arîa maîaga makîîa, na arîa macûkangagia magîcûkangia. Mue andû a Elamu, unûkiani mûthiî mbaararî; mue andû a Media cîgîrîriani Babuloni! Ngai nîagûtûma mînyamaaro îrîa Babuloni aretete îthire.

Jeremia 51:11

Norani mîguî yenyu! Ocani ngo cienyu!” Ngai-Mûnene nîatûmîte athamaki a Media mavange kûtharîkîra vûrûri wa Babuloni nîûndû avangîte gûûcûkangia. Ûguo nîguo Ngai-Mûnene akwîrîvîrîria nîûndû wa kwanangwa kwa hekarû yake.

Danieli 5:1

Vîndî îmwe mûthamaki Belishazaru nîwagwatire anene ake ngiri ûgeni kîrugorî kînene, na makînyua ndivei vamwe.

Danieli 5:28

PARESI; nî kuga atî ûthamaki waku nîmûgaanie kûrî Aamende na Aaperisi.”

Danieli 6:1

Dario nîwonire wagîrîru wa kûthuura anene îgana rîmwe rîa mîrongo îîrî a thirikari nîguo marûngamagîrîre kûrîa kuonthe aathanaga.

Danieli 8:20

“ ‘Ndûrûme îrîa wonire îrî na mvîa igîrî, yonanagia mothamaki maîrî, na nîmo: Media na Perisi.

Maariko 6:21

Na mûthiiarî, Herodia nîwacokire akîgîa na kamweke mûthenya ûrîa Herode akûngûagîra gûciarwa gwake. Mûthenya ûcio nîguo Herode aathondekete kîrugo na agetîra anene ake, atongoria a mbaara, wana andû arîa maarî na îgweta kûu Galili.