Esita 1:10 - ÎVUKU RÎA ÛVORO MWARO

¹⁰ Mûthenya wa mûgwanja kuuma kîrugo Kîammbîrîria, mûthamaki aarî mûnyuu ndivei na agacanjamûka. Nake nîwetire ngaramba ciake irîa ciakarambithîtue nîûndû wa gûtungata kwa mûthamaki. Nao nî: Mehumani, Bizitha, Haribona, Bigatha Zethari na Karikasi.

Esita 1:10 ပူးပေါင်းရင်းမြစ်များ

Kîam 43:34

Nîmaaveerwe irio kuuma metharî ya Josefu, na Benjamini akîvewa irio maita matano ma irîa ciaverwe acio engî. Kwoguo nîmaarîre, makînyua na magîkenanîra na Josefu.

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

Esita 1:9

Vîndî wa îo, Vashiti mûka wa mûthamaki wanake nîwarugithîrie aka kîrugo kînene kûu mûciî kwa mûthamaki Ahasuerusi.

Esita 3:15

Watho ûcio wavecanirwe kûu Susa kwa mûthamaki, nake mûthamaki Ahasuerusi na Hamani nîmekarire nthî na makînyua ndivei, nao andû onthe arîa maarî îtûûrarî rîa Susa nîmaamakire mûno.

Esita 7:9

Haribona, ûmwe wa ngaramba irîa ciamenyagîrîra mûciî kwa mûthamaki nîwaugire atîrî, “Nyomba kwa Hamani nîkuo kûrî na mûtî ûrîa warûthîtwe wa mita mîrongo îîrî na ithano wa gûcuria Moridekai ûrîa waririe maûndû maro ma kûvonokia mûthamaki.” Nake mûthamaki nîwaugire atîrî, “Mûcurieni mûtîrî ûcio îgûrû.”

Nthi 20:1

Ndivei îretage înegene na njovi ndûrû îretage ngucanio, na mûndû ûrîa ûinyunyaga nî kîrimû.

Nthi 31:4

Tathikîrîria Lemueli, athamaki matiagîrîrwe nî kûnyua ndivei, kana athani merirîrie kûnyua njovi.

Mûvunjia 10:19

Irio nîitûmaga mûndû agîe na gîkeno, ndivei îgacanjamûra mûndû ûtûûrorî, na mbeca nîcio itûmaga maûndû mau mekîke.

Atir 16:25

Rîrîa meecûrirwe nî gîkeno nîmaaugire atîrî, “Îtani Samusoni nîguo atûthondekere mîthako!” Kwoguo nîmeetire Samusoni kuuma njeera. Nîwamathakîre mîthako na makîmûrûngamia gatagatî ka itugî igîrî.

Atir 19:6

Kwoguo arûme acio oîrî nîmeekarire nthî, makîrîcanîra na makînyunyanîra vamwe. Îthe wa mûndûmûka ûcio nîwerire Mûlawi atîrî, “Nakûthaitha wîtîkîre kûraara gûkû ûmûnthî na wîthîrwe ûrî mûkenu.”

Ruthu 3:7

Na rîrîa Boazu arîkirie kûrîa na kûnyua, nîwegwire eganîrîte na arî mûkenu. Nîwacokire akîthiî na akîmama vakuvî na kîrûndo gîa cairi. Nake Ruthu nîwathiîre acemete, akîguûria mûrengeti, na akîmama vau magûrûrî ma Boazu.